Mazkur qaror bo'yicha birinchilardan bo'lib axborot bergan edik. Xatda 2014 yil poytaxtliklar safida faoliyat olib borgan Sergey Simonenkoga berilishi kerak bo'lgan summa o'z vaqtida berilmagani qayd etilgan bo'lib, bunga jazo sifatida 6 ochkoli sankciya qo'llash lozimligi aytilgandi.
SHundan so'ng "qaldirg'ochlar" rahbari Murod Aliev saytimiz bilan bog'lanib, aslida pul himoyachining hisob raqamiga tushganligini aytib o'tdi.
Kuni kecha "Bunyodkor" vakillari FIFA tartib-intizom qo'mitasi rahbari bilan muloqotda bo'ldilar va futbolchiga ajratilgan summaning barchasi uning "Ipoteka" bankda ochilgan plastik kartochkasiga tushganini isbotlab berishdi. Faqat undagi pullarni echib olish uchun futbolchining o'zi Toshkentga kelishi kerakligi, ammo bu ishni cho'zib yurgani aytib o'tilgan. Vaziyat oydinlashgach, Debora Tyuer xonim barcha hujjatlar FIFAga yuborilishi hamda 6 ochkolik sankciya bekor qilinishini takidlab o'tgan.
Birgina muammo shundaki, 2014 yilda ishlagan rahbariyatning xatosi tufayli 15 % summagina FIFA qayd etgan hisob raqamiga emas, balki eski hisob raqamga tushirilgan. Undan tashqari FIFA mazkur ishni ko'rib chiqqani uchun 17 000 miqdordagi hisob raqamini "Bunyodkor" klubiga yuborgan.
Demak, Simonenkoning hisob raqamiga tushgan pullar haqiqatdan ham bankda turganligi to'g'risidagi hujjat FIFAga taqdim etilsa klub OCHL yo'llanmasi uchun kurashishda davom etadi, agar PFLning o'zi bu ishga qo'l urmasa.
Bosh sahifaga
1682