Gap shundaki, kecha "Zenit" hujumchisi Aleksandr Kokorin va "Krasnodar" yarim himoyachisi Pavel Mamaev o'rtoqlari bilan mast holda tungi klubdan chiqishgan va bezorilik qilib ko'chada turgan mashinalarni tepa boshlashgan. Mana shunday mashinalardan biri "Mersedes" rusumidagi avtoulov bo'lib, "Birinchi kanal" boshlovchisi Olga Ushakovaga tegishli bo'lgan.
SHunda mashina haydovchisi kelib yoshlarga gap uqtirishni boshlagan va jim yurishlarini so'ragan. Biroq futbolchilar uni eshitmay do'pposlashga tushishgan. Futbolchilardan biri uning boshiga urgani uchun haydovchi miya chayqalishi tashxisi bilan kasalxonga yotqizilgan. Bundan tashqari ikkala zo'ravon Moskva kafelaridan birida ovqatlanib o'tirgan mansabdor shaxsni ham urishgan.
Bo'lib o'tgan voqealardan so'ng "Krasnodar" futbol klubining bayonoti quyidagicha bo'ldi:
"Biz klub futbolchisiga nisbatan jinoyat ishi ochilgan holat bilan birinchi bor ro'baro' keldik. Videoda ko'ringan holat nihoyatda ayanchli, bu har qanday kishining g'azabini keltiradi. SHu bois bu vaziyatni hech qanaqasiga oqlab bo'lmaydi. Klub avvalo yuz bergan voqeani to'liq o'rganib chiqadi hamda futbolchining shartnomasida keltirilgan bandlar bo'yicha ish ko'radi. Biz avvalo futbolchi bilan shartnomani qanday bekor qilish haqida o'ylayapmiz. Afsuski, shartnomalar shunday tuzilganki, ularning aksariyati professional futbolchilar foydasiga xizmat qiladi. Lekin klub futbolchiga nisbatan jazo berish uchun bor imkoniyatini ishga soladi".
Bosh sahifaga
939