Imzolangan hamkorlik to'g'risidagi memorandum doirasida bir qancha loyihalar amalga oshirib kelinmoqda.
Joriy yilning 28 oktyabr kuni yaqin o'tmishning mashxur hujumkor yarim himoyachilaridan biri, “Barselona”, “Atletiko Madrid”, “Liverpul” va Ispaniya terma jamoasi safida ko'rsatgan mazmunli o'yinlari bilan muxlislar olqishiga sazovor bo'lgan futbolchi, endilikdagi La liga elchisi – Luis Garsiya Toshkentga keladi va o'zbekistonlik yosh “charm to'p” ustalariga mahorat darslari o'tib beradi.
La liga hamda PFL hamkorligi doirasida tashkil etilayotgan mazkur mahorat darslari “Milliy” stadionida bo'lib o'tadi. Yaqin o'tmishning mashxur yarim himoyachilaridan biri Luis Garsiya yosh futbolchilarimizga o'z tajribasi bilan o'rtoqlashadi va ko'rgazmali uchrashuvda maydonga tushib, 2 ta jamoa safida bir taymdan to'p suradi.
Luis Garsiya tashrifi doirasida matbuot anjumani o'tkazilishi ham ko'zda tutilgan.
Bosh sahifaga
1901