O'zbekiston terma jamoasi yig'inining birinchi kunida son mushaklarini jarohatlab olgan SHerzod Azamov keyingi ikki kunlik mashg'ulotlarni o'tkazib yuborgandi. Malum muddat zalda shug'ullangan Azamov kecha mashg'ulotlarga qaytib, yakka tartibda shug'ullanib turgandi.
Biroq shifokorlarning nazoratidan so'ng himoyachining jarohatini tiklash jarayoni biroz cho'zilishi malum bo'ldi. Terma jamoaning bo'lajak o'yinlariga juda yaqin qolgani sababli, Azamovning jarohatini terma jamoa lagerida muolaja qilishdan ko'ra uning o'rniga boshqa himoyachi jalb etildi. Azamovga esa kechagi kungi mashg'ulotlardan so'ng jarohatini davolash uchun ruxsat berilgan. Uning o'rni "Lokomotiv" himoyachisi Islom To'xtaxo'jaev bilan to'ldiriladi. Bugundan etiboran Islom To'xtaxo'jaev terma jamoa mashg'ulotlariga qo'shilishi kutilmoqda.
SHuningdek, kecha "Lokomotiv" azosi Husniddin G'ofurov ham jarohat olib mashg'ulotlarni erta yakunlashga majbur bo'lid. SHifokorlarning aytishicha, G'ofurovning jarohati u qadar jiddiy emas. Ammo uning bugungi mashg'ulotda umumiy guruh yoki yakka tartibda shug'ullanishi nomalum.
Qayd etish kerakki, TTMI stadionida mashg'ulot o'tkazayotgan terma jamoamiz maydon sug'orilmagani bois uchinchi futbolchisini jarohatlab oldi.
Bunga qadar terma jamoadan chaqiruv olgan darvozabon Botirali Ergashev jarohati bois o'rnini Roman Abdulovga bo'shatgandi. "Paxtakor" kiperi Eldorbek Suyunov ham mashg'ulotining dastlabki kunida jarohat olganligi tufayli terma jamoa lagerini tark etgandi.
Eslatib o'tamiz, terma jamoaning o'tgan safargi yig'inida ham SHerzod Azamov va Aziz Haydarov jarohatgan olishgani bois o'rtoqlik o'yinlarini o'tkazib yuborishgandi.
Bosh sahifaga
1833