"O'zbekiston terma jamoasi birinchi marta 1996 yil Osiyo Kubogi final bosqichida ishtirok etgan. Saralash bosqichida terma jamoamizning raqiblari Tojikiston va Bahrayn bo'lishi kerak edi. Biroq Bahrayn saralashda qatnashishdan bosh tortdi va guruhda ikkita jamoa qoldi
SHu tariqa bitta yo'llanma taqdiri O'zbekiston va Tojikiston o'rtasidagi uy-safar o'yinida hal bo'lishi kerak edi. O'sha paytda Tojikiston terma jamoasi O'zbekistonga tengma-teng raqobat qilar edi. 90-yillarda ushbu yurt terma jamoasi safida darvozabon Andrey Mannanikov, himoyachi Hakim Fuzaylov, yarim himoyachi Rashid Rahimov, hujumchi Arsen Avakov kabi mashhur futbolchilar bor edi.
O'zbekiston terma jamoasining xorijda o'ynayotgan bir qator futbolchilarida vatanparvarlik kamligi haqida gap so'zlar paydo bo'lgani uchun Dushanbedagi birinchi o'yinga jamoamiz Igor SHkvyrin, Mirjalol Qosimov, Azamat Abduraimov kabi legionerlarsiz bordi.
Bundan tashqari OFK mazkur bahsga "o'yin taqdirini hal qilishga qodir" qozog'istonlik hakam Aleksandr Kulakovni tayinladi. SHu bois ilk uchrashuvda Tojikiston 4:0 hisobida g'alaba qozondi.
Javob o'yinidan oldin O'zbekiston terma jamoasi safiga legionerlar qaytarildi. Ammo eng optimal tarkib bilan ham 5:0 hisobidagi g'alabaga erishish juda qiyin edi. Kamida omad ham kerak edi.
Javob o'yini Toshkentdagi MHSK stadionida bo'lib o'tdi, sababi o'sha paytda "Paxtakor" stadioni maysasi qayta ekilayotgandi.
O'yin boshidayoq vakillarimiz 2:0 hisobida oldinga o'tib olishdi. Afsonalarga ko'ra Tojikiston bosh murabbiyi bazi futbolchilarining o'yinni sotayotganini sezib qolgan. Birinchi taymning o'zida mehmonlar o'zgarishlarni amalga oshirishdi. Ammo bu bilan natijaga tasir qila olishmadi. Asosiy vaqtda 4:0 hisobi qayd etildi. Umumiy hisob tenglashgach qo'shimcha taymlar belgilandi. 95-daqiqada Zafar Musaboev beshinchi bor Tojikiston darvozasiga gol urdi, o'sha paytda "oltin gol" qoidasi amalda edi. SHu bois o'sha zahoti uchrashuv yakunlandi va O'zbekiston o'z tarixida ilk bor Osiyo Kubogi final bosqichiga chiqdi", - deb yozadi Nikimbaev telegramdagi o'z kanalida.
O'zbekiston - Tojikiston - 5:0
19.06.1996. Toshkent. MHSK stadioni. 15000 tomoshabin.
Osiyo Kubogi saralashi. Javob o'yini. Birinchi o'yin 0:4.
Hakam: Eldor Ramazonov (Turkmaniston)
Gollar: Qosimov Mirjalol 4 penalti, Andreev Sergey 8, Qosimov MIrjalol 33 penalti, SHkvirin Igor 72, Musaboev Zafar 95.
O'zbekiston: Bugalo Pavel; Davletov Fevzi (Ro'zimov Ulug'bek, 67); Magametov Farxod; Qosimov Mirjalol; Zaxarov Andrey; Mamotov Eduard; Tillaev Olim (Usmonxo'jaev Oybek, 58); Atoyan Stepan; Lebedev Sergey; SHkvirin Igor; Andreev Sergey (Musaboev Zafar, 37)
Tojikiston: Mannanikov Andrey; Fuzaylov Xakim; Mamajonov SHuhrat (Klimanov Vladimir, 19); Piskarev Sergey; Rahimov Rashid; Asadullaev Anvar; Baturenko Yuriy; Alidodov Umid (Jabborov SHuhrat, 20); Ashurmamadov Aliyor (Levchenko Vitaliy, 29); Avakov Arsen; SHaripov Fahriddin
Ogohlantirishlar: Mannanikov Andrey; Fuzaylov Hakim; Rahimov Rashid; Baturenko Yuriy; Klimanov Vladimir
CHetlatish: Rahimov Rashid, 92 (2SK)
Bosh sahifaga
441