"Ertaga Osiyo Kubogi-2019ga tayyorgarlik doirasidagi ilk uchrashuvni o'tkazamiz. So'nggi o'yinimizni mart oyida Gonkongga qarshi o'tkazgan edik. Bu bahs qita chempionati saralashi doirasida edi. Ertangi o'yinni yaxshi saviyada o'tkazishga harakat qilamiz", - deydi bosh murabbiy Kim Yong Jun.
"Jamoamiz nomidan biz bir butun jamoa sifatida bor mahoratimizni ishga solamiz. Maydonda borimizni beramiz", - deydi Jong Il Gvan.
- KXDR terma jamoasi yil davomida juda kam o'yin o'tkazadi. Bu Osiyo Kubogiga tayyorgarlikda qanchalik tasir qiladi?
- Bu yil terma jamoamizga nomzod futbolchilarni chaqirib, klublaridan ayirib olishdan cho'chidik. Sababi mamlakatimiz klublari OFK kubogida ishtirok etdi. Yaqinda SHarqiy Osiyo kubogi bo'lib o'tadi.
- O'zbekiston terma jamoasini qanchalik o'rganib chiqdingiz?
- Albatta raqibni o'rganib chiqdik. Bu yurt terma jamoa FIFA reytingida bizdan ancha yuqorida joylashgan. O'zbekistonga qarshi oxirgi ikki o'yinimizni JCH-2018 saralashi doirasida o'tkazgandik. O'z uyimizda g'alaba qozongandik, Toshkentda esa yutqazgandik.
- Ertangi o'yinda siz uchun natija muhimmi?
- Maydonda 90 daqiqada nima ro'y berishini aytish qiyin. Osiyo Kubogiga tayyorgarlikni g'alaba bilan boshlash albatta yoqimli bo'lardi. SHunga harakat qilamiz.
- Terma jamoa potencialiga qarab KXDR Osiyo Kubogiga qanday maqsad uchun boradi deb ayta olasiz?
- Osiyo Kubogida barcha kuchli terma jamoalari ishtirok etadi. CHorak finalga borish terma jamoamiz uchun qoniqarli natija bo'lardi deb o'ylayman.
- SHimoliy Koreyalik futbolchilarning xorij klubida o'ynashi kamdan kam uchraydigan holat. Siz SHveycariya klubida o'ynaysiz. Bunga qanday erishdingiz?
Jong Il Gvan: - SHveycariyaga ko'chib o'tishimda bir qator sabablar bor. Ancha yillardan buyon turli yoshdagi terma jamoalarda o'ynab kelayapman. Milliy terma jamoada ham gollar urayapman. O'tgan yil dekabr oyida SHarqiy Osiyo Kubogi finalida Yaponiyaga qarshi o'ynagandik. Finalda men xet-trik qayd etgandim. Menimcha aynan shundan keyin SHveycariya klubi menga qiziqib qolgandi.
Narzulla Saydullaev
Bosh sahifaga
198