Sababi CHempionat peshqadami avvalgi yillardagi kabi yaqin taqibchisidan u qadar katta bo'lgan ochko hisobiga o'tib ketmagan. Aksincha chempionat tugashiga 7ta tur qolganida uchta jamoaning ochkosi bir xil ko'rinishda bo'lib turibdi.
SHu bois hozirdan ko'pchilik chempion qaysi jamoa bo'lishini jiddiy muhokama qila boshladi. “Andijon”, “Mashal” va “Istiqlol” jamoalari katta ishtiyoq bilan chempionlik sari intilmoqda. Ko'ramiz, yakunda “gold” futbolkalarni kiyib, chempionlikni tantana qilish kimga nasib etarkin...
PRO-Liganing “A” guruhida kurash shunday qizigan paytda PFLga taklifimiz bor. Gap shundaki, chempionlik uchun kurashayotgan jamoalarning o'yinlar vaqtini bir paytga belgilansa ayni muddao bo'lardi. SHunda “Mashal” asosiy taqibchisi “Andijon” yoki “Istiqlol”ning natijasiga qarab o'ynamasmidi. Masalan o'tgan turda shunday xolatga guvoh bo'ldi. CHempionat peshqadami “Andijon” 29-turni safarda “Norin”ga qarshi o'tkazdi. Mazkur bahs soat 15:30da boshlandi. Farg'onada “Istiqlol” – “Surxon” bahsi ham soat 15:30da start olgan bo'lsa, Muborakda kechgan “Mashal” – “SHo'rtan” o'yini 17:00da boshlangan. Tabiiyki vodiydagi o'yinlar natijasidan xabar topgan “gazchilar” o'z uyida “SHo'rtan” darvozasiga javobsiz 4ta to'p kiritib, bu orqali to'p nisbatini ham yaxshilab oldi hamda 2-o'ringa mustahkam o'rnashib oldi.
SHu munosabat bilan PFL sport bo'limi keyingi turlarda uchrashuvlarning boshlanish vaqtini bir paytga belgilasa maqsadga muvofiq bo'lardi.
Andijondan Furqat Abdiev
Bosh sahifaga
2085