O'z maydonida Evropaning eng kuchsiz jamoasi Gibraltarni qabul qilgan Armaniston kutilmaganda 0:1 hisobida yutqazib qo'ydi. SHuni aytish lozim, Gibraltar terma jamoasi 2016 yildan buyon FIFA bayrog'i ostida musobaqalarda ishtirok etib kelmoqda. Armaniston bilan o'yinga qadar Gibraltarning statiskasi quyidagicha edi: 22 o'yin, 22 mag'lubiyat. Bu jamoa 5ta gol urib, o'z darvozasidan 107ta to'p o'tkazib yuborgandi.
SHunday qilib Gibraltar tarixda birinchi bor rasmiy o'yinda g'alaba qozondi va bu g'alaba safarda Armanistonga qarshi bahsda qo'lga kiritildi. O'yindan oldin qiziq hodisa ro'y berdi. Stadion xodimlari adashib Gibraltar madhiyasi o'rniga Lixtenshteyn madhiyasini qo'yib yuborishdi. Keyin mezbonlar bunday qo'pol xato uchun uzr so'rashdi.
Uchrashuvdagi yagona gol 50-daqiqada Gibraltar futbolchisi Jozef CHipolina tomonidan kiritildi. Malumot uchun, ushbu futbolchi professional maqomdagi sportchi emas, u ofis menejer bo'lib ishlaydi. Bu CHipolinaning termadagi ilk goli bo'ldi. Gibraltar bungacha ikkita o'rtoqlik uchrashuvida g'alabaga erishgan. Birinchisi 2014 yil Malta ustidan 1:0 va ikkinchisi shu yilning martida Latviya ustidan 1:0.
O'yinda armanlar raqib darvozasi tomon 36ta zarba berishdi, gibraltarliklar posboni Kayl Goldvin esa 14 marta seyv amalga oshirdi. Darvoqe, Gibraltarda aholi soni atigi 34 ming. UEFAga azo davlatlar orasida faqat San-Marino Gibraltarga nisbatan kam aholiga ega.
Bosh sahifaga
126
