“Nasaf” bugun “SHo'rtan”ga qarshi nazorat uchrashuvini o'tkazadi

“Nasaf”chilar Qarshida kuniga ikki mahal mashg'ulot o'tkazishmoqda. Jamoadagi o'zgarishlar haqida to'xtaladigan bo'lsak, darvozabon O'tkir Yusupov, himoyachi Alisher Yusupov, yarim himoyachi Akram Bahriddinov yangi mavsumni boshqa jamoada boshlashadi. O'z navbatida o'tgan mavsumda “Mashal” sharafini himoya qilgan darvozabon Sanjar Quvvatov va hujumchi Zohir Qo'ziboev “Nasaf” bilan shartnoma imzolashdi. O'tgan mavsumda jamoa sharafini himoya qilgan etakchi futbolchilarni deyarli barchasi jamoa bilan shartnomalarini uzaytirishdi. SHuningdek, o'rinbosarlar tarkibida to'p tepgan Akbar Murodov, Islom Rashidxonov, Dilshod Xushbakov, "Nasaf-2" yarim himoyachisi Najmiddin Normurodov asosiy tarkib azolari bilan mashg'ulotlarda ishtirok etishmoqda. Kuni kecha jamoa sardori Artur Gevorkyan qisqa tatildan keyin jamoa tarkibiga kelib qo'shildi.

Bugun “Markaziy” stadion mashg'ulotlar maydonida jamoamiz “SHo'rtan” bilan quch sinashsa, 17 yanvar kuni Toshkentda Namanganning “Navbahor” jamoasi bilan, 25 yanvar sanasida esa yana bitta nazorat uchrashuvida maydonga chiqishadi. SHundan so'ng qarshiliklar xorijiy yig'inni o'tkazish maqsadidi Birlashgan Arab amirliklariga yo'l olishadi.