- "Bugungi o'yin jamoamiz uchun qiyin o'tdi. Birinchi bo'limda jamoamiz nisbatan yaxshiroq ko'rindi. Ammo tanaffusdan so'ng xatolarga yo'l qo'ydik. Ayniqsa o'tkazib yuborilgan goldan so'ng diqqatni jamlashda qiynaldik. Natijada o'yinimiz qovushmadi. SHuningdek, mazkur o'yin noodatiy ob-havoda o'tdi. Bu ham o'z tasirini ko'rsatdi. To'g'ri, o'tgan o'yinda Ekvador terma jamoasiga darvozasiga 4 marotaba yo'l topib, g'alaba qozongandik. Bugun esa bitta ham gol urolmadik. Har bir o'yin alohida tarix. Bir o'yinda ko'rsatilgan o'yinni yoki natijani boshqa bir bahsda takrorlash qiyin bo'ladi. Qolaversa, O'zbekiston top darajadagi raqib. Bugungi bahsda yaxshi o'ynolmaganimizga ularning ham hissasi bor. O'zbekiston o'yin tashkil etishda juda yaxshi harakatlandi. Raqib bizga oldingi chiziqda deyarli imkoniyat qoldirmadi.
Biz nafaqat o'z uyimizda o'tadigan mundialni chamalab, balki Osiyo kubogida ham yaxshi natija qayd etish uchun ishlayapmiz. Jahon chempionatiga bosqichma-bosqich tayyorgarlik ko'riladi. Biz JCH yo'lida Osiyo kubogini beetibor qoldirmaymiz. BAAda o'tadigan qita chempionatiga ham konsentraciyani qaratamiz. Aynan shu orqali JCHga ham jiddiy tayyorgarlik ko'ramiz.
Himoyadagi tartibsizlik? To'g'ri, o'tgan ikkita bahsda jami 5 gol o'tkazdik. Bu ko'p. Gollar albatta xatolar evaziga kiritiladi. Ammo bu bilan mudofaa chizig'imiz muammolar girdobida qolgan demagan bo'lardim. Keyingi bahslarga qadar ushbu mavjud muammo va kamchiliklarni bartaraf etamiz. SHuni ham alohida takidlash kerakki, biz ikkala bahsni juda jiddiy va top saviyadagi raqiblar bilan o'tkazdik. Bugun yutqazdik, ammo yaqin orada O'zbekiston bilan yana uchrashishni istayman, o'shanda biz boshqacha o'ynaymiz.
O'tkazilgan ikkinchi golni darvozabonning xatosidan ko'ra futbolchining mahoratiga bog'lagan bo'lardim. Umuman olganda kiperimiz bugun darvozani yaxshi qo'riqladi", - dedi ispaniyalik mutaxassis Feliks Sanches.
Bosh sahifaga
1367