Mazkur klublar Superliga (oliy liga) o'yinlarida 52 marta bir-birlariga qarshi maydonga tushishgan. Ushbu 52 ta bahsdan 28tasida "Navbahor" g'olib chiqqan bo'lsa, 16ta uchrashuvda buxoroliklar g'alaba qozonishgan. 8ta o'yinda esa tomonlar durangga imzo chekishgan.
"Navbahor" shu kunga qadar o'zaro o'yinlarda 97ta to'p kiritib, o'z darvozasidan 60 marta to'p olib chiqqan. Mazkur jamoalarning o'zaro bahslarida namanganliklar 92 ochkoni, “Buxoro” esa 56 ochkoni qo'lga kiritgan.
O'zaro uchrashuvlardagi eng yirik hisob 2001 yili kuzatilgan. O'sha yili Namanganda o'tkazilgan o'yinda “lochinlar” 6:1 hisobida g'alaba qozonishgan. Buxoroliklar esa 2009 yilgi mavsumda "lochinlar"ni 3:0 hisobida mag'lubiyatga uchratishgan.
Joriy mavsumda o'tkazilgan har 2 bahsda ham “lochinlar” zafar quchishgan.
Birinchi davrada Buxoroda o'tkazilgan o'yinda Mirzohid G'ofurovning yagona goli "Navbahor"ga 1:0 hisobidagi g'alabani tuhfa etgan bo'lsa, 2-davrada Namanganda o'tkazilgan uchrashuvda Jahongir Mehmonov va Darko Nikachning gollari evaziga “Navbahor” 2:0 hisobida zafar quchgan.
“Buxoro” Namanganda o'tkazilgan so'nggi 5 uchrashuvning 1 tasida g'alaba qozonib, 4ta o'yinda mag'lubiyatga uchragan.
Namanganda bo'lib o'tgan so'nggi besh uchrashuv:
2014 yil - “Navbahor” - “Buxoro” - 4:1
2015 yil - “Navbahor “ - “Buxoro” - 3:1
201 6 yil - “Navbahor “ - “Buxoro “ –1:2
2017 yil - “Navbahor “ - “Buxoro “ –1:0
2018 yil - “Navbahor” - “Buxoro” - 2:0
O'zaro o'yinlar haqida fakt: Namanganda bo'lib o'tgan 26ta bahsning 19tasida mezbonlar, 4tasida mehmonlar zafar quchishgan. Uchta uchrashuvda esa tomonlar durangga imzo chekishgan.
“Navbahor” PFK matbuot xizmati.
Bosh sahifaga
459