Uchrashuv 19 oktyabr kuni “OKMK” stadionida soat 18:00da boshlanadi.
O'zaro uchrashuvlarga oid faktlar
“Nasaf” va “AGMK” jamoalari shu paytgacha milliy chempionatimizda o'zaro 22 marta kuch sinashgan. Bo'lib o'tgan uchrashuvlarning 3tasida olmaliqlik futbolchilar g'alabaga erishishgan. 11ta uchrashuvda “Nasaf” zafar quchgan, yana 8 o'yinda durang natija qayd etilgan. To'plar nisbati quyidagicha ko'rinish olgan – 19:32. Ustunlik “Nasaf” tomonida. SHu yili Qarshida bo'lgan o'zaro uchrashuvda “AGMK” jamoasi 2:0 hisobida g'alabaga erishgan edi.
Olmaliqdagi o'zaro uchrashuvlarga oid
Olmaliqda bo'lib o'tgan o'zaro 11ta uchrashuvning 2tasida “konchilar” zafar quchishgan. 5ta uchrashuvda durang qayd etilgan. To'rt uchrashuvda esa “Nasaf” g'alaba qozongan. Bu uchrashuvlarda darvozalarga jami 19ta to'p kiritilgan. To'plar nisbati bo'yicha 8:11 ustunlik “Nasaf” tomonida. SHu yili Olmaliqda bo'lib o'tgan o'zaro uchrashuvda jamolar 0:0 hisobida durang o'ynashgan.
Olmaliqdagi so'nggi besh uchrashuv natijasi
22.06.2014. “Olmaliq” - “Nasaf” 1:3
23.03.2015. “Olmaliq” - “Nasaf” 2:0
11.03.2016. “Olmaliq” – “Nasaf” 1:3
07.04.2017. “Olmaliq” – “Nasaf” 1:0
26.04.2018. AGMK – “Nasaf” 0:0
Jamoalar to'purarlari
Ayni paytda to'purarlar bo'yicha "Nasaf"da Bobir Abduxoliqov karvonboshilik qilmoqda. U hozirgacha 8ta gol kiritgan. “AGMK” jamoasining to'purari serbiyalik yarim himoyachisi Yovan Jokich hisoblanadi. Uning hisobida 9ta gol bor, ularning 7tasini penaltidan kiritgan.
Mazkur jamoalarning yoshlari o'rtasidagi uchrashuv bugun, 18 oktyabr payshanba kuni bo'lib o'tadi. Uchrashuv Olmaliq shahridagi “Metallurg” stadionida soat 15:00da boshlanadi.
Barcha futbol ishqibozlarini ana shu uchrashuvlarga taklif etib qolamiz.
Bosh sahifaga
441