Mazkur o'yin chempionlik sari shiddatli kurash olib borayotgan ikki jamoa o'rtasidagi keskin to'qnashuvga aylanadi. So'nggi to'rt mavsumda har ikki klub ikki martadan chempionlikni qo'lga kiritishdi. SHu sababli bu safargi uch ochkoning qadri yanada balandroq desak mubolag'a bo'lmaydi. "Paxtakor" g'alaba qozongan taqdirda turnir jadvalida peshqadamlikka ega chiqadi.
CHempionatlar doirasida klublar 28 bor to'qnash kelishgan. "SHerlar" 17 bellashuvda zafar quchishgan, 4 o'yinda "Lokomotiv" g'olib chiqqan. 7 uchrashuvda jamoalar durang o'ynashgan. “Paxtakor” 59 gol urib, darvozasidan 24 to'p olib chiqqan. Ayni paytda jamoalarni uch ochkolik farq ajratib turibdi. Joriy mavsum chempionat doirasida har ikki bellashuvda durang natija qayd etilgan.
O'z maydonidagi o'yinlarda “Paxtakor” 9 g'alaba, 3 durang va 2 mag'lubiyatni qayd etgan.
2006 yil “Paxtakor” o'z maydonidagi uchrashuvda 7:1 hisobida zafar quchgan. Bu o'zaro o'yinlar tarixidagi eng yirik natija sanaladi.
"Paxtakor" va "Lokomotiv" o'rtasidagi uchrashuv 20 oktyabr, shanba kuni "Paxtakor" stadionida soat 18:00da boshlanadi.
TAS-IX
TAS-IX Emas
Bosh sahifaga
1144