Bugun Buxoro viloyatining “Labsa” jamoasiga qarshi o'ynadik. Birinchi bo'limda murakkab vaziyatga tushib qoldik. Tanaffusga chiqqanimizda 0:2 hisobida mag'lubiyatga uchrayotgan edik, 15 daqiqalik imkoniyatdan foydalanib jamoamiz futbolchilariga tegishli ko'rsatmalarni berdik, ularni ruhan qo'llab-quvvatlab, kayfiyatlarini ko'tarishga harakat qildik. Ikkinchi bo'limda 3 ta gol urib, yakunda g'alaba qozondik. Bugungi g'alabamiz irodali bo'ldi deb o'ylayman. Jamoamiz muxlislari uchun xursandmiz, bugungi g'alabani muxlislarga bag'ishlaymiz.
O'zbekiston Yoshlar Ittifoqi vasiyligidagi “Iftixor” klubimizning oxirgi turlardagi natijalari bir oz pasayib ketdi. Bunga sabab etakchi futbolchilarimizning jarohat olganligi yoki malum bir sabablarga ko'ra maydonga tusha olmaganliklari tufayli yuz berdi deb o'ylayman. Jamoamizda tajribali futbolchi bor, hammalaring taniysizlar, taniqli futbolchi Akmal Xolmatov. Akmal Xolmatovning tajribasi jamoamizga juda katta foyda bermoqda, u maydonda harakat qilsa, yosh futbolchilarga o'rgatadi, o'rnak bo'ladi, umuman olganda o'yinimizni tashkil etadi.
“Iftixor” jamoasi o'yindan o'y inga shakllanib borayapti, kelajakda kuchli va raqobatbardosh jamoaga aylanamiz degan umiddaman.
Bekzod Tolibov yozib oldi.
“Iftixor” matbuot xizmati bilan xamkorlikda tayyorlandi.
Bosh sahifaga
1079
1 Fevral 2024, 12:51