Bugun safarda “Iftixor” jamoasi bilan yaxshi o'yin o'tkazdik deb o'ylayman. Birinchi bo'limda ustunlik biz tomonda edi, ikkita to'p farqi bilan g'alaba qozonayotgan edik. Jamoamizda bugungi uchrashuvda asosan yosh futbolchilar harakat qilishdi. Bir necha asosiy tarkib futbolchilarimiz kartochkalar va jarohat tufayli bugun maydonga tusha olishmadi.
Ikkinchi bo'limda 3 ta gol o'tkazib yubordik, bunga sabab sifatida jamoamiz futbolchilari bir oz toliqib qolganligini aytish mumkin. “Labsa” jamoasi har doim kurashadi, har bir uchrashuvga g'alaba uchun maydona chiqadi, nasib qilsa Superliga darajasiga etishadi deb o'ylayman. Mavsum yakunida qish mavsumidagi yig'inlarda Superliga klublarida ko'rikdan o'tish niyatim bor, o'z ustimda yanada ko'proq ishlayman. Jamoamiz muxlislariga har doim bizni qo'llab-quvvatlab kelayotganliklari uchun minnatdorchilik bildiraman.
Bekzod Tolibov yozib oldi.
Bosh sahifaga
108