Jamshid Saidov: "Legioner olish hozircha rejamizda yo'q"

"2016 yilgi mavsumga tayyorgarlikni 14 dekabr kuni Buxoro shahrida boshlagandik. Bu yig'in 28 dekabrga qadar davom etdi. Yangi yil bayramidan so'ng 4 yanvarda Toshkentda yig'in boshladik. 18 yanvargacha shu erda shug'ullanamiz. Hozirga qadar "Lokomotiv" yoshlariga qarshi o'rtoqlik uchrashuvi o'tkazdik. 13 yanvarda "Bunyodkor", 18 yanvarda "Qo'qon-1912" bilan o'ynaymiz".

"Mashg'ulotlarni "Obod" stadionida o'tkazayapmiz. Bugun 8 nafar futbolchimiz tibbiy ko'rikdan o'tayotgani uchun mashg'ulotda kamchilik qatnashdi".

"Asosiy maqsadimiz o'tgan yil ikkinchi davrada o'ynagan futbolchilarni saqlab qolish edi. Tabiiyki yangi futbolchilarni ham ko'rikdan o'tkazayapmiz. "Olmaliq"dan Salamat Qutiboev, Sahob Jo'raev va Alisher SHog'ulomov, "Dinamo"dan Muhiddin Xudoyorov, "Navbahor" Sanat SHixov kabi yangi futbolchilar mashg'ulotlarimizda qatnashishmoqda".

"Buxoro"ga yangi legionerlar keladimi? To'g'risi bizga kelayotgan legionerlar talab darajasida emas. SHu bois hozircha xorijlik futbolchi rejamizda yo'q. Etiborni mahalliy futbolchilarga qaratamiz".

"18 yanvarda ikkinchi yig'inimiz yakuniga etadi. SHundan so'ng yigitlarga 3 kunlik dam beramiz. Uchinchi yig'in ham Toshkent shahrida yanvar oyi oxirigacha davom etadi", - deydi Jamshid Saidov.