Sayfiev bugungi chempionlik to'qnashuviga qiyoslanayotgan bahsda jamoa to'liq tayyorligini bildirdi.
- "Lokomotiv" bilan o'yinga 100% tayyormiz. Yo'l bitta - g'alaba. Durang ham bizni umuman qoniqtirmaydi".
Superliganing ikkinchi bosqichidagi barcha uchrashuvlarda gol urayotgan yagona futbolchi "Lokomotiv" darvozasini ishg'ol etishga ham shaylanayotganini yashirmadi.
- "Nafaqat "Lokomotiv" bilan o'yinda, balki barcha bahslarda gol urish ishtiyoqida maydonga tushaman. Golga bo'lgan chanqoqlik so'ngani yo'q. Xudo xohlasa ushbu samaradorlikni davom ettirmoqchiman".
Farruh Sayfiev "Paxtakor" ikki yildan buyon shohsupadan tushmayotgan "Lokomotiv"dan chempionlikni tortib olishi haqida quyidagi fikrlarni bildirdi.
- "Paxtakor" ayni paytda yaxshi formada. SHu boisdan ham biz "Lokomotiv"ni shohsupadan tushirishga qodirmiz, deb o'ylayman.
Farruh Sayfiev "Lokomotiv"da "Paxtakor" xavfsiraydigan aniq bir futbolchi yo'qligini, ularni jamoa sifatida yaxshi shakllanganini takidladi.
- "Loko" jamoa sifatida yaxshi shakllangan. Aniq bir futbolchini ajratib ko'rsata olmayman.
- "Lokomotiv"da Sardor Rashidov, "Paxtakor"da SHerzod Azamov jarohatlari bois o'yinni o'tkazib yuborishadi. Qaysi bir yo'qotish o'yinga tasir o'tkazishi mumkinligi haqida Sayfiev quyidagi fikrlarni bildirdi.
- "Jarohatlar futbolni ajralmas bir qismi. Biz bir jamoaga aylanib, Azamovning yo'qligini bilintirmaslikka harakat qilamiz".
Bosh sahifaga
440