Anzur Ismoilov: "Kubokdagi mag'lubiyat uchun revansh oldik"

- "Derbi har doim o'z statusiga munosib tarzda o'tib kelgan. Ayniqsa "Paxtakor" kabi jamoaga qarshi kurashish yoqimli. Kubokdagi bahsda biz 0:4 hisobida mag'lub bo'lgandik. Futbol tili bilan aytganda, o'shanda juda alam qilgan. Bugun esa o'sha mag'lubiyat uchun revansh oldik. Bu g'alaba jamoaga o'z kuchiga bo'lgan ishonchni qaytardi. O'yin juda yaxshi hajmda kechdi. Bugun biz ko'proq g'alaba qozonmoqchi ekanligimizni maydonda namoyish eta oldik.

CHempionlik hal bo'ldimi? Yo'q, bunga shoshilmaymiz. Oldinda yana 6 uchrashuv turibdi. Qolgan barcha bellashuv chempionlik o'yiniga aylanadi. Bo'shashishga haqqimiz yo'q", - dedi Anzur Ismoilov.