Unda O'zbekistonning 2 karra chempioni – Toshkentning “Lokomotiv” jamoasi “Navbahor” klubini qabul qiladi. O'yin soat 18:00da start oladi.
SHu o'rinda ushbu ikki jamoaning o'zaro uchrashuvlari tarixiga etibor qaratadigan bo'lsak, “Lokomotiv” shu paytga qadar “Navbahor”ga qarshi 28ta o'yin o'tkazgan. O'zaro o'yinlarning 15tasida “temiryo'lchilar” jamoasi zafar quchgan. 8ta bellashuvda esa “lochinlar”ning “qo'li baland” kelgan. Yana 5ta o'yin esa durang bilan nihoyasiga etgan.
“Loko” futbolchilari ushbu raqib darvozasini hozirgacha 50 marta ishg'ol etishgan bo'lsa, o'z darvozasidan esa 39 bor to'p o'tkazib yuborgan. “Lokomotiv”ning “Navbahor” ustidan qozongan eng yirik hisobdagi g'alabasi 2016 yilgi mavsum ikkinchi davrasida qayd etilgan – 5:0.
“Temiryo'lchilar” o'z maydonida “Navbahor” bilan o'tgan 14 bahsning 11tasida g'alaba qozongan bo'lsa, 2 bahsda tomonlarning kuchi teng kelgan. “Lochinlar”ning “Loko” maydonidagi yagona g'alabasi 2010 yilning 24 aprelida qayd etilgan.
O'tgan bosqichdagi “Lokomotiv” stadionida kechgan bahs 3:1, “Navbahor” mezbonligidagi o'yin esa 2:0 hisobida yakunlangan.
Fakt: “Lokomotiv” ikkinchi bosqichda ochko yo'qotmagan yagona jamoa bo'lib turibdi.
“Lokomotiv” milliy chempionat doirasida o'z maydonida o'tgan so'nggi 16 bahsda yutqazmadi.
“Navbahor” safarda o'tgan so'nggi 5 o'yinda faqatgina mag'lubiyatga uchradi. Jamoaning so'nggi safar g'alabasi 6 may kuni Buxoroda qo'lga kiritilgan.
Bosh sahifaga
133