Eron Qatarga qarshi o'rtoqlik uchrashuvi o'tkazadi

Bu haqda Qatarning "Al Raya" nashri xabar berdi. Nashrning yozishicha, o'rtoqlik uchrashuvi 31 dekabr kuni o'tkaziladi. Karlush Keyrush jamoasi noyabrda Venesuela bilan o'ynashi lozim edi, biroq ayrim sabablarga ko'ra bu o'yin bekor qilindi. SHu bois forslar 16 noyabrda Trinidad va Tobagoga qarshi maydonga tushishadi.

Malumki, Eron terma jamoasi oldiga Osiyo Kubogida zafar quchish vazifasi qo'yilgan. SHu bois Keyrush jamoani jiddiy tayyorlashga harakat qilyapti. Eron o'z guruhida Iroq, Vetnam va Yamanga qarshi bahs olib boradi. Navbatdagi Osiyo Kubogi 5 yanvar - 1 fevral oralig'ida BAAda o'tkaziladi.