Tehrondagi mashhur "Ozodi" stadionida Eronning amaldagi chempioni "Persepolis" Qatarning "Al Sadd" klubini qabul qiladi. O'yin bizning vaqt bilan 20:00da boshlanadi. "Sport" telekanali mazkur uchrashuvni bugungi dasturiga kiritgan, biroq to'g'ridan-to'g'ri emas, balki 22:00dan boshlab efirga uzatishi yozib qo'yilgan.
Dohada kechgan birinchi bellashuvda "Persepolis" 1:0 hisobida zafar quchgan. O'yin oxirlarida jamoa hujumchisi Ali Alipur tomonidan kiritilgan gol mehmonlarga kichik g'alabani taqdim etgandi. Bugungi o'yindan so'ng finalga chiqqan omadli jamoa nomi malum bo'ladi. "Persepolis" chorak finalda Qatarning yana bir nomdor klubi "Al Duhayl"ni ortda qoldirdi. "Al Sadd" esa aksincha Eronning eng nomdor jamoasi "Istiqlol"ni musobaqadan chiqarib yubordi.
Malumot uchun, "Al Sadd" 2011 yil OCHLda g'oliblikni qo'lga kiritgandi. Hozirda bu jamoaga Jezualdu Ferreyra murabbiylik qilmoqda. "Persepolis" ustozi esa Branko Ivankovich hisoblanadi.
Bosh sahifaga
313