Mazkur rukn orqali muxlislar "Dizayn"ning dekabr oyida qo'yadigan koncertiga chipta yutib olishlari mumkin. Viktorina sharti haqida sal pastroqda tanishasiz.
"To'qnashuv"da futbolchi, murabbiy yoki jurnalistlar o'zaro virtual bahs boylashadi. Yutqazgan taraf, yutgan tomonning bir iltimosi va viktorinada g'olib chiqadigan muxlis uchun chipta taqdim etadi.
Bu galgi ruknning mavzusi - Evropa CHempionlar Ligasi.
Qoidaga ko'ra, ikki ishtirokchi ECHLda o'ynayotgan istalgan ligani tanlaydi. Birinchi ishtirokchi tanlagan liga va ikkinchi taraf olgan liga jamoalarining ushbu turda jamlagan ochkolari hisoblanadi. Qaysi taraf, yani liga jamoalari ko'proq ochko jamg'arsa, o'sha tomon g'olib bo'ladi.
"To'qnashuv" ruknining bu galgi qarama-qarshiligida saytimiz xodimlari SHahboz Beg'amov va Xayrulla Xoliqov o'zaro bahslashishadi.
O'tgan galgi, yani birinchi "To'qnashuv"da SHahboz Beg'amov Tolibjon Qosimovdan ustun kelgandi. SHahboz Beg'amov tanlagan Bundesliga jamoalari APL klublaridan ko'proq ochko yig'ishgandi.
Bu gal ham Beg'amov yana o'zi ko'proq biladigan va ishonadigan Bundesligani tanladi. Xayrula Xoliqov esa La Liga jamoalariga juda ishonib yubormoqda.
"To'qnashuv"
2-son
ECHL, 3-tur
SHahboz Beg'amov (Bundesliga) - Xayrulla Xoliqov (La Liga)
O'yinlar jadvali:
23 oktyabr
AEK - "Bavariya" (22:00)
"Yang Boyz" - "Valensiya" (22:00)
"Real" - "Viktoriya Plzen" (00:00)
"Xoffenxaym" - "Lion" (00:00)
24 okyatbr
"Barselona" - "Inter" (00:00)
"Galatasaroy" - "SHalke" (00:00)
"Borussiya" - "Atletiko" (00:00)
"Napoli" - "Liverpul" (00:00)
SHahboz Beg'amov: "Tolibjon Qosimovga salom yo'llamoqchiman! Menimcha, buyog'iga "To'qnashuv"da endi Tolibjon Qosimovni ko'rmasak kerak, o'ynamaydi boshqa :-).
Xayrulla aka doim Ispaniya jamoalariga ishongan va bu ishonchni ular deyarli oqlab kelishmoqda. Lekin, bu yili ularni holatini barcha ko'rib turibdi. To'g'ri, bu turda ispanlar uchun raqiblar juda oson. Ammo ko'p narsa Dortmundda bo'ladigan bahsda hal etiladi. Aynan o'sha o'yin tarozi pallasini men tomonga o'zgartirib yuborishi mumkin. Muhimi, ushbu bahsda yutqazgan tomon o'z vadasiga vafo qilsa bo'lgani. Qolganini o'yinlar ko'rsatib beradi".
Xayrulla Xoliqov: "Nima uchun Ispaniya La Ligasini tanladim? Birinchidan, ispan klublaridan "Barselona"ga muxlislik qilaman. Ikkinchidan, va nihoyat "Real"dan g'alaba kutyapman. Uchinchidan, men uchun La Liga Germaniya Bundesligasidan ancha qiziq va kuchli. SHu bois ispan klublari ECHL bu turida nemis jamoalariga nisbatan ko'p ochko jamg'arishadi deb o'ylayman. Bugun va ertaga bo'lib o'tadigan o'yinlarda "Barselona" o'z maydonida "Inter"ni, "Real" ham o'z uyida "Viktoriya" klubini mag'lub etishini taxmin qilish qiyin emas. SHuningdek, "Atletiko" Germaniyadan bir ochko bilan qaytsa kerak (balki yutishi ham mumkin), qolaversa "Valensiya" ham "Yang Boyz" bilan o'yinda mag'lub bo'lmaydi".
Viktorina shartiga ko'ra, Superliganing bugungi kun o'yinlarining ilk goliga kim mualliflik qilishini topgan DASTLABKI muxlisga (yuzer) "Dizayn" koncertiga chipta taqdim etiladi. CHiptani yutqazgan ishtirokchi muxlislarga xarid qilib beradi.
Bir yuzer faqatgina bir marotaba izoh qoldirishi mumkin. Uning qayta yozgan yoki boshqacha variantda yozgan javoblari hisoblanmaydi!
23 oktyabr, seshanba
18:00 - “NASAF” – “SO'G'DIYONA”
18:00 -“QIZILQUM” – AGMK
18:00 -“LOKOMOTIV” – “NAVBAHOR”
Bosh sahifaga
173
