“Lokomotiv” Dubayda. Uchinchi kun. Yanichich safga qo'shildi

O'tgan mavsum “Lokomotiv”da barqaror futbol namoyish qila olgan himoyachi yangi yilni vatanida kutib olish uchun Serbiyaga uchib ketgandi. SHu boisdan ham Yanichich Toshkentdagi yig'inda ishtirok eta olmadi. Bugundan etiboran esa u to'liq murabbiylar ixtiyorida.

Bugungi kunni Mirko Yelichich 10:00 da bo'lib o'tgan futbolchilar ishtirokidagi kichik yig'ilish bilan boshladi va u 15 daqiqa davom etdi. Zalning o'zidan jamoa azolari to'g'ri mashg'ulot maydoniga yo'l olib, 11:30 ga qadar jismoniy tayyorgarlik mashqlariga zo'r berishdi.

Aytib o'tilganidek, “temiryo'lchilar” kuniga ikki mahaldan mashg'ulot o'tkazishyapti. Bugundan etiboran ular trenajor zaliga ham tashrif buyurishdi. Bu erda ular murabbiy ko'rsatmasiga jiddiy yondoshgan bo'lishsada, mashg'ulot umumiy planda quvnoq ruhda o'tdi. Buni quyida keltirilgan fotosuratlardan ham bilib olish qiyin emas.

Horij yig'inidagi ishlar reja asosida davom etmoqda. Siz bilasizki, “Lokomotiv” o'zining birinchi o'rtoqlik uchrashuvini 15 yanvar kuni Saudiya Arabistoni etakchisi “Al-Ahli”ga qarshi o'tkazadi. O'yinga uch kun vaqt bor. Yanichichning kelib qo'shilishi tarkibni yanada kuchaytirdi. Bundan tashqari “Lokomotiv”ning yana bitta azosi Ikrom Aliboev O'zbekiston olimpiya terma jamoasi bilan birga bo'lib turibdi.

Quyida bugungi kun fotosuratlari etiboringizga havola qilinadi.