Yaponiyada, "Kashima" maydonida o'tgan yarim finalning ilk uchrashuvi 3:2 hisobida yaponlarning g'alabasi bilan yakunlangan edi. Javob uchrashuvi ham gollarga boy bo'ldi.
Uchrashuvdagi birinchi gol Yaponiya klubi vakili SHuto Yamamoto hisobiga yozildi. U o'z jamoasini hisobda oldinga olib chiqdi. Birinchi bo'lim 0:1 hisobida yakunlandi. Ikkinchi bo'limda "Suvon Samsung" raqibni shoshirib qo'ydi va 8 daqiqa ichida 3ta gol urishga erishdi. Lim Sang Xyub, Song Jin CHo va Deyan Damyanovichning gollari hisob 3:1 ko'rinishiga kelishini taminladi. 64-daqiqada "Kashima Antlers" futbolchisi gol urdi. Daigo Nishi oradagi farqni bittaga qisqartirdi. 3:2. O'yin taqdirini mehmon jamoa futbolchisi Serjino hal qildi. 84-daqiqada u tomonidan urilgan gol yaponlarni Osiyo CHempionlar ligasi finaliga olib chiqdi.
 Suwon Bluewings Sang-Hyub Lim - 52', Song-Jin Cho - 54', Dejan Damjanovic - 60' | AFC Champions League Final Stage . 1/2-tur 24/10/2018, 15:00 3 : 3 Tugadi |  Kashima Antlers Shuto Yamamoto - 25', Daigo Nishi - 64', Serginho - 82' |
Eslatib o'tamiz, Osiyo CHempionlar ligasi finali uy va mehmon o'yinlari tizimida o'tkaziladi. "Kashima Antlers" hamda "Persepolis" o'rtasidagi birinchi final 3 noyabr kuni Yaponiyada, navbatdagi o'yin esa 10 noyabr Erondagi stadionda bo'lib o'tadi.
FINAL
3 noyabr. "Kashima Antlers" - "Persepolis"
10 noyabr. "Persepolis" - "Kashima Antlers"
Bosh sahifaga
1168