"Ikki xil bo'lim guvohiga aylandik. Birinchi taymda yaxshi o'ynadik. Ammo yaratilgan vaziyatlardan foydalana olmadik. Zaxira o'rindig'imizda akademiyamiz tarbiyalanuvchilari o'tirishdi. Bu o'yinda oldin besh futbolchi ishtirok eta olmadi. Ikki o'yinchi diskvalifikaciya, uch futbolchi jarohat sababli bugun o'ynay olishmadi. Bunday o'yinda bunchalik ko'p yo'qotishlar o'z so'zini aytadi. Bekobodda ham birinchi bo'limga qaraganda ikkinchi bo'limda sust o'ynadik, shu bois oxirgi daqiqalarda gol o'tkazib yutqazib qo'ydik. SHunaqa o'yinlar orqali yigitlar tajriba to'plashadi", - deydi Qosimov.
- Mavsum boshidan buyon moliyaviy qiyinchiliklar, o'yinchilarni ruhlantirish davom etmoqda. Mavsum tugamoqda, baribir odam charchaydi. Nafaqat pul muammosi, kelasi yil "Bunyodkor" bor-yo'qligi ham so'roq ostida. Bu ham futbolchilarga ruhan tasir qiladi...
- Avvalambor biz muxlislar uchun o'ynaymiz. To'g'ri mukofot pullari yo'q, lekin bu bahona bo'lmasligi kerak. O'z oldiga katta maqsad qo'ygan, kelajakda kuchli futbolchi bo'laman degan o'yinchilar bu narsani o'ylashi kerak emas. Yigitlar bilan kelishib olganmiz. Tashqaridan bu hech kimga qiziq emas. Albatta o'z darajamizdan pastga tushishimiz kerak emas. Biz insonmiz, charchaymiz. Maqsadimiz Osiyo chempionlar ligasi yo'llanmasini qo'lga kiritish, bu narsaga erishish qiyin bo'ladi, lekin oxirigacha kurashamiz. Keyingi yil klub bo'lmaydi yoki olti ochko olinadi degan gaplarni vaqt ko'rsatadi. Hozir eng kerakligi mavsumni oxirigacha etkazib qo'yish.
Zalatoybala 
Bosh sahifaga
2060
9 Fevral 2024, 11:12