"Manchester Yunayted" va "Yuventus" jazolanishi mumkin

O'yin boshlanmasidan oldin maydonga "Yuventus" muxlisi yugurib tushdi. Uchrashuv yakunlanganidan keyin esa yana 2 muxlis maydonga Krishtianu Ronaldu bilan selfiga tushish uchun borishdi, biri esa buni uddaladi.

Ammo gap bunda emas. "Qizil iblislar" o'yinga kechikdi. UEFA talablariga ko'ra, jamoalar o'yin bo'ladigan stadionga uchrashuv boshlanishidan 75 daqiqa oldin etib borishlari kerak. MYU esa yo'ldagi tirbandliklar bois, o'yin boshlanishiga 50 daqiqa qolganida etib borgan. "Yuventus" esa 65 daqiqa qolganida stadionga tashrif buyurgan.

Uch hafta oldin "Yunayted" "Valensiya"ga qarshi o'yinga kech etib borgani uchun 15 ming evro jarimaga tortilgandi. Bu safar ikki jamoa ham jazolanishi mumkin.