O'z vaqtida milliy chempionatimizda “Traktor”, “Paxtakor”, “Lokomotiv” hamda “Obod” singari jamoalarda o'ynab, to'purarlik mahoratini namoyon eta olgan Pavel Solomin hamon butsalarini mixga ilishga shoshilayotgani yo'q. 36 yoshli futbolchi ayni damda ikkinchi ligada “Oq-Tepa” sharafini himoya qilmoqda.
Undan tashqari Temur Tolipov ham ushbu jamoa uchun o'ynab kelmoqda. Ishqibozlar yaxshi bilishsa kerak, “Paxtakor” klubi tarbiyalanuvchisi Tolipov bungacha “Navbahor” va “Obod” singari jamoalarda o'ynashga ham ulgurdi. Joriy mavsum esa 23 yoshli hujumchi PRO-Liga qatnashchisi “Iftixor”da qo'nim topgandi. Biroq Temurning Oltiariq jamoasidagi faoliyati ham uzoq davom etmadi va qisqa fursat ichida futbolchi jamoa bilan xayrlashdi.
Olingan malumotlarga ko'ra, Tolipov ham Solomin singari “Oq-Tepa” uchun o'ynab kelmoqda.
Malumot uchun, Toshkent shahar ikkinchi liga ishtirokchisi “Oq-Tepa” klubini o'z vaqtining mohir himoyachisi Yaroslav Krushelnickiy boshqarmoqda.
Bosh sahifaga
382
11 Fevral 2024, 10:58