"Neftchi" Qirgulida nazorat uchrashuvini o'tkazdi

Bosh murabbiy Andrey Vitalevich mazkur o'yin orqali yangi “Neftchi” vakillarini sinovdan o'tkazish, tarkibdagi futbolchilarning jismoniy holati va o'yini borasidagi kamchiliklarini aniqlab olish imkoniga ega bo'ldi.

Qirgulidagi so'nggi yig'in kuni bo'lib o'tgan uchrashuvda “Neftchi” futbolchilari “Qizillar” va “Sariqlar” jamoasi nomlari ostida harakat qilishdi. O'yin “Sariqlar”ning 3:2 hisobidagi g'alabasi bilan nihoyalandi. Nazorat o'yinida Fyodorov imkon darajasida barcha futbolchilarni maydonda tushirdi. Faqat himoyachi Jahongir Mehmonov o'yinda ishtirok etmadi. Mehmonov endigina o'tgan mavsumdagi jarohatidan tiklanmoqda.  

SHu kuni Oliy ligada o'ziga yarasha tajribaga ega bo'lgan O'tkir Yusupov “Sariqlar” darvozasini qo'riqladi. Aytish kerakki, O'tkirning seyvlari, himoyachilarni nazorat qilishi va tezkorligi bizda yaxshi taassurot qoldirdi. Sardor Eminov ham maydondda faolligi bilan ajralib turdi. Bahs nazorat o'yini maqomiga ega bo'lsada, qizg'in tarzda kechdi. Stadionda o'yinni tomosha qilgan muxlislar, futbolchilarni katta maydonni sog'inishganiga amin bo'lishdi.

Qirguli. “Neftchi SK” stadioni. 12 yanvar, 2016-yil.
“Sariqlar” – “Qizillar” 3:2.
Gollar: Otabek Isroilov, Mansur Saidov, Baxtiyor Yoqubov (sariqlar)
Murod Bobojonov 2 ta (Qizillar)  
“Sariqlar”: O'tkir Yusupov, SHukurali Po'latov, Dilyor Irmatov, Xusniddin G'ofurov, Alisher Samatov, Mansur Saidov, Javohir Rasulov, Elamon Karimov, Baxtiyor Yoqubov, Otabek Isroilov, SHerzod Hakimov.  

“Qizillar”: Sergey Smorodin, Sardor Qulmatov, Otabek Muhammadjonov, Aziz Nosirov, Ilhom Boydedaev, Abdurahmon Abdulxaqov, Umid Qodirov, Sardor Eminov, Jamshid Xoshimov, Bobur Farxodov, Murod Bobojonov.