Unda "Paxtakor"ni 3:1 hisobida mag'lub etgan AGMK klubi o'z tarixida ilk bor mamlakat kubogini qo'lga kiritdi. Jamoa o'zining 10 yillik tarixida ilk bor katta sovringa ega chiqdi.
Kechagi finalda nafaqat AGMK, balki o'zbek futboli yutdi. Sababi o'yindan avval ko'plab mutaxassislar, jurnalistlar va muxlislar AGMK osongina yutqazib berishini taxmin qilishdi. Bunga sabab sifatida yaqinda AGMK klubi bosh homiysi bo'lgan Olmaliq tog'-kon metallurgiya kombinati boshqaruviga kelgan SFI Management Group kompaniyasi aytildi. Ko'pchilikka malumki mazkur kompaniya "Paxtakor" klubining akciyalariga egalik qiladi.
SHunga qaramay kechagi finalda halol futbol birinchi o'ringa qo'yilgani ko'pchilikning etiborini tortdi. Yani AGMK o'yindan avval aytilganidek "osongina" yutqazib bermadi. Haqiqiy jang bo'ldi va shu kuni kuchliroq bo'lgani uchun Baxtiyor Ashurmatov boshchiligidagi klub kubok sohibiga aylandi.
SFI Management Group kompaniyasi bu bilan kelishilgan o'yinlarga qarshi ekanligini, doim halol va toza futbol bo'lishi tarafdori ekanligini namoyish etib berdi.
Ushbu kompaniya Olmaliq tog'-kon metallurgiya kombinati boshqaruviga kelgach, AGMK klubida ham o'zgarishlar ro'y berdi va jamoa natijalari ancha yaxshilandi. Qisqa vaqt ichida klub o'z tarixida ilk bor O'zbekiston kubogi finaliga chiqdi va shu yilning o'zidayoq mamlakat kubogini qo'lga kiritdi. Kelgusi yil AGMK klubi Osiyo chempionlar ligasi saralashida ishtirok etish huquqini qo'lga kiritdi. O'z tarixida birinchi marta xalqaro musobaqada O'zbekiston sharafini himoya qiladigan klubga omad tilaymiz.
Takidlash lozimki, 2018 yildan O'zbekiston kubogi formati tubdan o'zgartirildi va har bir bosqichdan oldin "ko'r qura" tizimiga o'tildi. Aynan shu sababli ham AGMK klubida finalga qadar etib kelish imkoniyati paydo bo'ldi. O'tgan yillarda yarim finalga qaysi klublar chiqishini barcha muxlislar oldindan aytib bera olishardi. PFLning ushbu qarori o'zini to'la oqladi deya olamiz.
Endi sabrsizlik bilan 2019 yilgi O'zbekiston kubogini kutamiz. Sababi endi ko'plab klublar kubokka etiborni yanada kuchaytirishadi va istalgan klub unda g'olib chiqishi mumkinligiga ishona boshlaydi. O'zbekiston kubogida intriga paydo bo'lganidan xursandmiz.
Bosh sahifaga
571