Bugun qiyin uchrashuv o'tkazdik. Har ikki jamoa oldiga ham Superliga vazifasi qo'yilganligi bugun maydonda juda qiziqarli va tomoshabop o'yin bo'lishini taminladi. Bugungi uchrashuv ko'p savollarga oydinlik kiritib berishi kerak edi. Eng muhimi kerakli natijaga erishdik. Qolgan uchrashuvlarni ham shunday ruhda davom ettirib, Superligaga chiqishga harakat qilamiz.
Bugun agar qulay vaziyat bo'lsa, gol urmoqchi edim, maqsadimga erishdim, bundan xursandman. Aslida kim gol urishi muhim emas, eng muhimi jamoamiz g'alaba qozonsa bo'ldi.
"Istiqlol" jamoasi haqida? Ular haqida nima deyish mumkin, ahil va yaxshi shakllangan jamoa, kuchli tarkibga ega, o'yinlari ancha kuchaygan "Istiqlol" o'z tarkibiga Umid Qodirov, Timur Sultonov kabi tajribali futbolchilarni jalb etganligi ularning kuchini ko'rsatib turibdi. Superligaga chiqish imkoniyati "Istiqlol"da ham saqlanib turibdi.
Bekzod Tolibov yozib oldi.
"Mashal" matbuot xizmati bilan xamkorlikda tayyorlandi.
Bosh sahifaga
2046