OFK ertangi o'yinimizni boshqaradigan hakamni taqdirladi
/ Kiritdi: BestMaster O'qilgan: 1106
OFK tashkiloti U-23 Osiyo chempionatida ishlaydigan hakamlardan uch nafarini taqdirladi.
Ulardan biri - ertaga bo'lib o'tadigan Janubiy Koreya - O'zbekiston bahsini boshqarib boradigan saudiyalik Fahad Al Mirdasi.
Taqdirlashdan maqsad, bu hakamlar Yangi Zelandiyada o'tkazilgan U-20 jahon chempionatida o'yinlarni yaxshi boshqarishdi. Bu esa OFKning etiboridan chetda qolmadi. Ayniqsa, ushbu hakamlarning jahon chempionati finalini boshqarishgani OFK rahbarlari etirofiga sazovor bo'ldi. Esingizda bo'lsa, final uchrashuvida Serbiya Braziliyani 2:1 hisobida engib, jahon chempioni bo'lgandi.
30 yoshli Fahad Al Mirdasi Osiyo Kubogining final o'yinida zaxira hakami vazifasini bajargan, qolaversa o'sha musobaqada Ummon - Quvayt va Iordaniya - Iroq bahslarini boshqargan. Bundan tashqari, o'tgan yilgi Osiyo chempionlar ligasining beshta o'yinida ishlagan. OFK prezidenti SHayx Salmon saudiyalik hakamga "Jahon saviyasidagi yosh hakamlarimizdan biri" degan tarifni berdi.
Bosh sahifaga
168