"Navbahor"da tezkor yig'ilish bo'lib o'tdi, unda Namangan viloyat hokimi ishtirok etdi

Bugun Namangan viloyat hokimi Xayrulla Bozorov, Namangan shahar hokimi SHavkat Abdurazoqov hamda klub vice-prezidenti SHamshod Sarikovlar "Navbahor" futbolchilari bilan tezkor yig'ilish o'tkazishdi. Bu haqda klub muxlislarining ijtimoiy tarmoqlardagi sahifasi malum qildi.

Unda bir qator masalalar muhokama qilindi. Jumladan, futbolchilar tomonidan muammo yo'qligi, barchasi alo darajada ekanligi etirof etildi. Rahbarlar esa «Paxtakor» bilan bo'ladigan uchrashuvda faqat va faqat g'alaba qozonish kerakligini vazifa qilib belgilashdi.

"CHempionatda hali hech narsa hal bo'lgani yo'q. Qolgan uchrashuvlarda maksimal natija qayd etib, ko'zlangan maqsadga erishish mumkin. Safarda ham «Navbahor»ning g'alabali seriyalari boshlanish vaqti kelgandur? CHunki, so'nggi paytlarda mehmondagi uchrashuvlarda ham huddi «Navbahor» o'z maydonida o'ynayotgandey xis qilmoqda. Demak muxlislar yolg'izlatib qo'ymaydi. Bunga javoban «Navbahor» safarda ham g'alabali seriyalarni boshlashi lozim! Muxlislar o'z suyuklilarini hech qachon yolg'izlatib qo'ymaydi xoh uyda, xoh safarda bo'lsin. SHunday ekan «Navbahor» ham, muxlislar ham aslo chekinmaydi. Men albatta ishonaman 1 noyabr kuni «Paxtakor» muxlislaridan «Navbahor» muxlislari ko'p bo'ladi", - deydi viloyat hokimi Xayrulla Bozorov.