Bugun futbol. "Lokomotiv" - "Metallurg"

Amaldagi chempion "Lokomotiv" o'z maydonida "Metallurg"ni qabul qiladi. Ikkinchi bosqich turnir jadvalida "Lokomotiv" 33 ochko bilan birinchi o'rinda bormoqda. "Metallurg" esa 5-o'rinni egallab turibdi.

Bugun TTZdagi "Lokomotiv" stadionida qiziqarli bellashuv bo'lib o'tishi kutilmoqda. Negaki chempionlik uchun harakat qilayotgan "Loko" bugun ham faqat g'alaba uchun o'ynaydi. "Metallurg" esa "temairyo'lchilar"ga jiddiy qarshilik ko'rsatishga urinib ko'radi. "Metallurg" ikkinchi bosqich start olganidan beri faqat bitta o'yinda g'alaba qozondi. Jamoa o'z maydonida "Bunyodkor"ni mag'lub etdi.

"Lokomotiv" esa ortda qolgan 5ta o'yinning hammasini g'alaba bilan yakunladi. SHuni aytish joiz, "Lokomotiv" birinchi bosqichda qatorasiga beshta uchrashuvda g'alabaga erishmagandi. Ammo ikkinchi bosqichda jamoa buning uddasidan chiqdi. Agar "Loko" bugun ham uch ochkoni qo'lga kiritgudek bo'lsa, ketma-ket 6ta o'yinda g'alabaga erishgan Superligadagi ilk klub bo'ladi.