Kun tartibidan uchta o'yin o'rin olgan. "Qizilqum" o'z maydonida Jizzaxning "So'g'diyona" klubini qabul qiladi. O'tgan turda "Qizilqum" AGMKni mag'lub etgandi. "So'g'diyona" esa safarda "Nasaf"ga imkoniyatni boy berdi.
"So'g'diyona" ikkinchi bosqichda faqat ikkita o'yinda g'alabaga erishdi va ikkala g'alaba ham uydagi o'yinlarda qo'lga kiritildi. Safarda esa bu jamoa faqat yutqazib kelyapti. "Qizilqum" haqida gapiradigan bo'lsak, navoiyliklar ikkinchi bosqichning ikkita o'yinida yutishdi va ikkala g'alaba ham uydagi o'yinlarda ro'y berdi.
"Qizilqum" o'z uyida chakki emas, jamoa istalgan raqibiga etarli qarshilik ko'rsata oladi. SHu tomonlama ham bugungi bellashuvda maydon egalarining ustunligi taxmin qilinmoqda. Qolaversa, "So'g'diyona"ning negadir safarda omadi chopmayapti. Jizzaxliklar safar o'yinlarida oxirgi marta 13-turda zafar quchishgandi. O'shanda Sergey Lushan shogirdlari Farg'onada "Neftchi"ni mag'lub etib qaytishgan.
Bugun futbol. "Qizilqum" - "So'g'diyona"
/ Kiritdi: BestMaster O'qilgan: 244
Bosh sahifaga
101
