Andrey SHipilov: "Lokomotiv" bizning darvozamiz oldida deyarli hech nima qila olmadi"

- Barcha ko'rganidek, bugun yaxshi, qiziqarli o'yin bo'ldi. Bunday stadionda o'ynash juda yoqimli. Maydonning holatiga yuqori baho bergan bo'lardim. Bugungi raqibimiz bizning darvozamiz oldida deyarli hech qanday vaziyat yarata olmadi.

"Lokomotiv" jamoasini tabriklayman. Bugun ushbu jamoa safida mening 7 nafar shogirdim harakat qilmoqda. Umid qilamanki, ular kimdan saboq olishganini unutishmagan. "Loko"ga omad tilayman. Biz esa o'z ustimizda ishlashda davom etamiz.

Javohir Ilyosov: -Bugungi o'yin qiyin bo'lishini barcha bilardi. Murabbiylar aytgan ko'rsatmalar, qo'yilgan talablarini bajarishga harakat qildik. Mayda xatodan foydalanib, "Lokomotiv" gol urib ketdi. Keyingi o'yinlarda yanada yaxshiroq harakat qilib, o'z muxlislarimizni xursand etishga harakat qilamiz.