Mazkur muhim uchrashuvdan oldin Andijon viloyati hokimi SHuhratbek Abdurahmonov bugun tushlikdan so'ng klub qarorgohiga tashrif buyurib, «Andijon» jamoasi azolari bilan uchrashdi. Unda viloyat hokimi SHuhratbek Qo'shaqboevich futbol klubining xayotiga befarq emasligini bildirib, jamoa ayni damda turnir jadvalida peshqadam bo'lib turganidan xursand ekanligini takidladi hamda chempionatning qolgan 4ta uchrashuvini ham mana shunday yuqori notada o'tkazib, Superliga yo'llanmasini qo'lga kiritishga bor kuchni ishga solishlari muhimligini aytib o'tdi.
SHuningdek, Andijon viloyati hokimi SH.Abdurahmonov jamoada yuzaga kelgan moliyaviy masalalarni tez orada ijobiy tomonga hal etib, har qanday muammolar bartaraf etilishini alohida takidlab o'tdi.
Ishchan va samimiy ruhda kechgan mazkur yig'ilishda SHuhratbek Abdurahmonov ertangi «Surxon»ga qarshi muhim o'yinda «Andijon» jamoasiga omad tiladi.
O'z navbatida «Andijon» FK bosh direktori Marufjon Abdisalomov ham yig'ilishda so'z olib, viloyat hokimiga jamoaga qaratayotgan etibori uchun o'z minnatdorchiligini bildirib o'tdi. SHuningdek tarkibdagi futbolchilarga to'liq ishonishini alohida takidlab, nasib qilsa chempionatni 1-o'rinda tugatish uchun bor kuch va mahoratini ishga solishlarini aytib o'tdi.
Do'stona va samimiy tarzda o'tgan uchrashuv shu tariqa yakuniga etdi.
«Andijon» matbuot xizmati.
Bosh sahifaga
176
