Uchrashuv har ikki jamoalarning faol harakatlari bilan boshlandi. SHu kuni o'z muxlislari qarshisida to'p surayotgan "Dinamo" futbolchilari birinchi bo'lim ilk daqiqalaridan boshlab hujumkorlikni oshirdilar. Birinchi bo'limni 4-daqiqasidayoq mezbonlar futbolchisi Pavel Purishkinda qulay imkoniyat yuzaga keldi, biroq uning qanotdan uyushtirgan hujumi samarasiz yakunlandi. Uchrashuvga uzoq yo'l bosib etib kelgan "Istiqlol" jamoasi futbolchilari ham "Dinamo"ning hujumlariga hujum bilan javob berdilar. Birinchi bo'lim 18-daqiqasida mehmonlar futbolchisi Rustam Abduhamidov tomonidan uyushtirilgan hujum xavfli chiqdi, biroq bu vaziyatda omad mezbonlar tomonida bo'ldi, hujum samarasiz yakunlandi. Oradan bir oz vaqt o'tib mezbonlar futbolchisi Damir Temirovning mehmonlar darvozasi tomon yo'llagan kuchli zarbasini himoyachilar qaytarib qolishdi. SHundan so'ng mezbonlarda ketma-ket burchak zarbasi tepish imkoni yuzaga kelgan bo'lsada, hisob ochilmadi. Birinchi bo'limga hakam tomonidan qo'shib berilgan daqiqalarda yana o'sha mezbonlar futbolchisi Damir Temirovda gol urish uchun qulay imkoniyat yuzaga kelgan bo'lsada, uning zarbasi golga aylanmadi. Uchrashuvning birinchi bo'limi 0:0 hisobida yakuniga etdi.
Ikkinchi bo'lim "Istiqlol" futbolchilari hujumkor o'yini bilan boshlandi. Mehmonlar uyushtirayotgan hujumlar natijasida Elyor Akbarovda qulay imkoniyat yuzaga keldi. Lekin ushbu vaziyatda "Istiqlol" hujumchisining zarbasiga aniqlik etishmadi. SHundan so'ng "Dinamo" futbolchilari hujumkorlikni oshirdilar, mehmonlar o'z navbatida raqibni qarshi hujumda jazolashga urindilar. Uchrashuvning 70-daqiqasiga kelib mehmonlar futbolchisi Bobur Aminjonov hakam tomonidan ikkinchi bor sariq kartochka bilan jazolanib, maydonni tark etdi. Bu vaziyat mehmonlarga qo'l keldi. Nihoyat uchrashuvga tashrif buyurgan muxlislar gol ko'rishga muvaffaq bo'ldilar. 71-daqiqada mezbonlar futbolchisi Dilmurod Karimovning chamasi 25-metrlardan yo'llagan kuchli zarbasini mezbonlar darvozaboni qaytara olmadi, 1:0. Goldan ruhlangan mezbonlar hujumkorlikni oshirgan bo'lsalar, mehmonlar hisobni tenglashtirish uchun astoydil harakat qildilar. Uchrashuv so'ngi daqiqalarida har ikki jamoa azolarida gol urish uchun vaziyatlar yuzaga kelgan bo'lsada, hisob o'zgarmadi. Uchrashuv "Dinamo"ning 1:0 hisobidagi g'alabasi bilan yakunlandi.
Pro-Liga. "A" guruhi.
33-tur.
"Dinamo"-"Istiqlol" 1:0. (0:0)
"Dinamo": 27. SHoxruh Eshbo'taev, 2. Mirkomil Lokaev, 6. Akmal Xolmurodov (s), 10. Pavel Purishkin, 90. Abbos Jumaqulov, 17. Jasur Azimov, 20. Dilmurod Karimov, 21. Damir Temirov, 24. Avaz Agaliev, 41. Suhrob Izzatov, 70. Otabek Narzullaev.
Zaxira:16. Alijon Alimuhammedov, 18. SHerzod Jalilov, 19. Sanjar Baratov, 23. Komil SHarofutdinov, 28. Timur SHaripov, 50. Viktor Grigorev
"Istiqol"12. Nodir Ashurmatov, 4. Jasur Ermamatov, 5. Abduxoliq Qurbonov, 10. Elyor Akbarov, 11. Xamidullo Abduhamidov, 13. Timur Sultonov, 14. Rustam Abduxamidov, 15. Bobur Amindjonov, 18. Obit Jo'raboev, 22. Sardor Telyakov, 30. Eldor Ergashev
Zahira:1. Islom Abdullaev, 2. Aziz Madaliev, 7. Riza Ayvazov, 8. Sardor Sotvoldiev, 9. Raximberdi Mamatkarimov, 19. Abdulaziz Yoqubov, 21. Elyor Mamasoliev
CHetlatish: Bobur Aminjonov 70
Bosh sahifaga
232