Mourino: "O'zimni APLning eng yomon murabbiyi deb o'yladim"

"Uchrashuvning birinchi bo'limida men o'zimni APLdagi eng yomon murabbiy deb hisobladim. Haqiqatdan ham, juda yomon o'yin namoyish qildik. Himoyada hujumdagi kabi juda-juda yomon harakatlar qildik. MYUning raqibga bosimini ko'rish - juda ayanchli bo'ldi.

Muxlislarning "hujum, hujum, hujum" deb baqirishlarini yoqtiraman. Biroq jamoa to'pni yo'qotgandan keyin extiyot bo'lib, himoyada ishonchli o'ynash kerak. Biroq biz barqaror bo'la olmadik.

Tanaffusda futbolchilar bilan suhbatni o'zimizning eng yaxshi davrlarimizni eslatishdan boshladim. Ikkinchi bo'limda birinchisidagi kabi yomon o'ynash mumkin emasligini aytdim. Ikkinchi taymda jamoa yaxshiroq o'yin ko'rsata boshladi. Anderni maydonga tushirganimdan xursand bo'ldim. Bunday o'yinlarda Errera juda ham asqotadi. U to'p bilan tez ishlaydi va markazdagi muvozanatni ushlab turadi.

Tushunmayman. Yordamchilarim futbolchilarning so'nggi daqiqalardagi harakatlarini mavsumdagi eng yaxshisi deb hisobladi. Bu haftada biz yaxshi mashg'ulotlarni olib bordik. Ammo o'yinni yana juda yomon boshlaganimizga ishona olmayman", - dedi Mourino.