Janubiy Koreya U23 - O'zbekiston U23. Prevyu

Etiborlisi, mazkur turnir shu yili Braziliyaning Rio-de-Janeyro shahrida bo'lib o'tadigan Olimpiada o'yinlarining futbol musobaqasiga yo'llanma beruvchi turnir hisoblanadi. Qatardagi turnirda dastlabki uchta o'rinni egallagan terma jamoalar Olimpiada yo'llanmasini qo'lga kiritidalilar.

Samvel Babayan bosh murabbiyligidagi O'zbekiston U-23 terma jamoasi musobaqaning C guruhida Janubiy Koreya, Iroq hamda Yaman olimpiya terma jamoalariga qarshi maydonga tushadi. O'zbekiston hamda Janubiy Koreya olimpiya terma jamoalari shu paytgacha bu yoshdagi turnirlarda o'zaro 4ta rasmiy uchrashuvda maydonga tushishgan va ularning uchtasida Janubiy Koreya olimpiya terma jamoasi g'alaba qozongan bo'lsa, yana bir uchrashuvda durang qayd etilgan.

O'zaro o'yinlar:

28.03.2007
Janubiy Koreya – O'zbekiston 2:0

18.04.2007
O'zbekiston – Janubiy Koreya 0:1

22.08.2007
Janubiy Koreya – O'zbekiston 2:1

17.11.2007
O'zbekiston – Janubiy Koreya 0:0.

Iroq olimpiya terma jamoasi esa, avvalgi Osiyo chempionatida ham O'zbekiston olimpiya terma jamoasi bilan bir guruhda to'p surgan edi va o'shanda Iroq 2:1 hisobida g'alaba qozongan edi. Qolaversa, Iroq terma jamoasi shu yosh toifasida amaldagi Osiyo chempioni hisoblanadi – Ummonda bo'lib o'tgan Osiyo chempionati finalida Iroq olimpiya terma jamoasi Saudiya Arabistoni terma jamoasini 1:0 hisobida mag'lubiyatga uchratib, oltin medallarni qo'lga kiritgan.

O'zbekiston olimpiya terma jamoasi Osiyo chempionati 1-tur o'yinini aynan Janubiy Koreya terma jamoasiga qarshi o'tkazadi. Uchrashuv 13 yanvar kuni Toshkent vaqti bilan soat 21:30da boshlanadi.