“Lokomotiv” Dubayda. To'rtinchi kun. Xatolardan xulosa

Bu ko'nikma ularga mashg'ulotlar va yangi mavsumga tayyorgarlik jarayonlarida chalg'imaslikka yordam beradi.

Amaliy va nazariy mashg'ulotlar bir maromda davom etmoqda. Ularning boshlanish vaqtlari o'zgarganicha yo'q, lekin tugash onlari kun sayin uzayib borayotganini his qilish qiyin emas. Futbolchilar tobora ko'proq mehnat qilishga harakat qilishyapti.

Bugungi kunning eng esda qolarli voqeasi sifatida oqshom vaqtidagi nazariy mashg'ulotni ko'rsatish o'rinli. Mirko Yelichich unda o'tgan mavsumdagi xatolar xususida so'z yuritdi. Xususan, o'tkazib yuborilgan ayrim gollar futbolchilarga qayta namoyish etilib, mana shunday vaziyatlarda qanday harakat qilish mumkinligi to'g'risida fikrlar almashildi.

“Yelichich quvnoq murabbiy”, – deya u haqda o'z fikrini bildirdi “Lokomotiv”ning etakchi futbolchilaridan biri Sanjar SHoahmedov. “Futbolchilar bilan yaxshi chiqishadi, hazilni tushunadi, o'zi hazil qiladi. Bu narsa futbolchilar o'zlarini erkin tutishlariga olib keladi”.

“Jeparovning jamoamizga qo'shilgani yaxshi ish bo'ldi. U katta mahorat va tajribaga ega futbolchi. Birinchi navbatda bizga yordam beradi, bilmaganlarimizni o'rgatadi. Raqobatdan esa cho'chimayman. Ahir u har bir futbolchining o'sishiga yordam beradi”, -deydi SHoahmedov.

Sanjarning fikriga “Lokomotiv” o'z oldiga yuqori maqsadlarni qo'ygani uchun ham yildan-yilga shakllanishga harakat qilyapti. Bu narsa albatta o'z mevasini berishi kerak. Futbolchilar yangi mavsumda yanada yaxshiroq natijalarni qo'lga kiritish uchun borlarini berib harakat qilishadi.

Eslatib o'tamiz. Saudiyaning “Al-Ahli” klubiga qarshi o'yinga ikki kun vaqt qoldi. Quyida bugungi kun fotosuratlarini sizga ilinamiz.