Kecha bo'lib o'tgan mamlakat kubogining 2-tur uchrashuvida Boboxonov jamoasi «Arambax» «CHittagon Abaxani»ga qarshi maydonga chiqdi va 2:2 hisobida durang o'ynadi. Hisobni raqib ochdi va 2:0 ko'rinishiga keltirdi. Birinchi bo'limning hakam tomonidan qo'shib berilgan daqiqalarida Iqbol Boboxonov penaltidan unumli foydalanib, hisobni qisqartirdi. Uchrashuv yakunlanishi arafasida hisob tenglashdi. Ushbu natijadan so'ng «Arambax» va «CHittagon Abaxani» jamoalarining nafaqat ochkolari, balki to'plar nisbati ham teng bo'lib qolgani bois, guruh peshqadamini aniqlash maqsadida jamoalar penaltilar seriya orqali g'olib nomini aniqlashdi. Futbol lotoreyasida omad Boboxonov jamoasiga kulib boqdi. Ahamiyatlisi, uchrashuv davomida ham penaltidan unumli foydalangan Iqbol seriyada ham o'ziga bildirilgan ishonchni oqladi. SHu tariqa Boboxonovning jamoasi guruh bosqichini birinchi o'rinda yakunlab, keyingi bosqichga yo'l oldi.
Bunga qadar Otabek Valijonov va Furqat Hasanboev to'p surayotgan BJMS klubi ham navbatdagi bosqichga chiqish vazifasini uddalagan edi.
Bosh sahifaga
1953