Malumki, 2020 yil Tailandda U-23 Osiyo chempionati bo'lib o'tadi. Ushbu musobaqa Tokioda bo'lib o'tadigan Olimpiada o'yinlariga yo'llanma beradi. Malumki, shu yilning qish faslida mazkur musobaqada O'zbekiston U-23 terma jamoasi g'oliblikni qo'lga kiritgandi.
Tailanddagi musobaqada kuchli uchlikka kirgan jamoalar yozda Olimpiada o'yinlariga boradi. Ertaga OFK ushbu chempionatning saralash bosqichiga qura tashlash marosimini o'tkazadi. Saralash bosqichida jami 44ta jamoa qatnashadi. Terma jamoalar ikki mintaqaga bo'lingan: SHarq va G'arb. SHarqda 20ta, G'arbda esa 24ta jamoa final bosqichi yo'llanmasi kurash olib boradi.
Saralash bahslariga 12ta davlat mezbonlik qiladi. G'arb mintaqasidan: O'zbekiston, Qatar, Saudiya Arabistoni, Eron, Bahrayn, Quvayt. SHarq mintaqasidan: Vetnam, Malayziya, Myanma, Kambodja, Timor-Leste, Mo'g'uliston.
Ko'rib turganingizdek, biz joy oladigan guruh o'yinlari O'zbekistonda o'tkaziladi. Saralash bosqichi 2019 yilning 22-26 mart kunlariga belgilangan. Eslatib o'tamiz, O'zbekiston U-23 terma jamoasining vaqtincha murabbiyi Ravshan Haydarov hisoblanadi.
Ertaga U-23 Osiyo chempionati saralash bosqichiga qura tashlanadi
/ Kiritdi: BestMaster O'qilgan: 486
Bosh sahifaga
2874