2007 yilda tavallud topgan futbolchilar ishtirokidagi bahslarda poytaxtning "Toshkent Siti" jamoasi, guruhdagi so'nggi o'yinda "SHerdor"ni 2:1 hisobida mag'lubiyatga uchratib birinchi o'rin bilan yarim finalga yo'l oldi. "A" guruhida ham o'yinlar qizg'in kechdi. "Lokomotiv Boysun" va "SHo'rchi" jamoalari o'rtasida kechgan murosasiz bahsda tog'liklar 4:3 hisobida zafar quchdilar.
Ertaga yarim final uchrashuvlari bo'lib o'tadi. Unda "Lokomotiv Boysun" - "SHerdor" va "Toshkent Siti" - "SHo'rchi" jamoalari final yo'llanmasini uchun bahs olib boradilar.
2010 yillarda tavallud topgan bolajonlar o'rtasida bo'lib o'tayotgan musobaqada esa "Odil Junior" Samarqandning "SHerdor" jamoasini mag'lubiyatga uchratdilar. Ertaga bu yoshda turnirning so'nggi kun o'yinlari bo'lib o'tadi. Poytaxtliklar kabi barcha o'yinlarda yutib kelayotgan "Lokomotiv Boysun" va "Odil Junior" jamoalari o'rtasida bo'lib o'tadigan 5-tur o'yini kim chempion bo'lishini aniqlab beradi.
Bosh sahifaga
283
