Unda O'zbekistonning 2 karra chempioni – Toshkentning “Lokomotiv” jamoasi “Buxoro” klubini mehmon qiladi. O'yin bugun soat 17:00da start oladi.
SHu o'rinda ushbu ikki jamoaning o'zaro uchrashuvlari tarixiga etibor qaratadigan bo'lsak, “Lokomotiv” shu paytga qadar “Buxoro”ga qarshi 27ta bahs o'tkazgan. O'zaro o'yinlarda katta ustunlik poytaxtliklar tomonida. “Lokomotiv” ushbu jamoani umumiy 16 marta mag'lub etgan. “Buxoro” “Loko”ni 6 marta dog'da qoldirgan bo'lsa, qolgan 5 o'yin durang bilan yakun topgan.
“Loko” futbolchilari ushbu raqib darvozasini hozirgacha 51 marta ishg'ol etishga muvaffaq bo'lishgan. Toshkentliklar o'z darvozasidan esa 31 bor to'p o'tkazib yuborgan.
“Lokomotiv”ning “Buxoro” ustidan qozongan eng yirik hisobdagi g'alabasi 2013 yilgi mavsum birinchi davrasida qayd etilgan – 5:1.
“Temiryo'lchilar” o'z maydonida “Buxoro” bilan o'tgan 13 bahsning 10tasida g'alaba qozongan bo'lsa, 3 marta mag'lubiyatga uchragan. “Lokomotiv” Toshkentda “Buxoro” bilan durang qayd etmagan.
O'tgan bosqichdagi “Lokomotiv” stadionida kechgan bahs 3:1 hisobida yakunlangandi. “Buxoro” maydonidagi o'yinlar ham “Loko”ning g'olibligi bilan yakunlangan – 1:3, 0:1.
Fakt: “Lokomotiv” ikkinchi bosqichda mag'lub bo'lmagan yagona jamoa bo'lib turibdi.
“Lokomotiv” milliy chempionat doirasida o'z maydonida o'tgan so'nggi 18 bahsda yutqazmadi.
“Buxoro” bu mavsum safarda o'tgan 14 o'yinning faqatgina 3tasida g'alabaga erishgan. Jamoaning so'nggi safar g'alabasi 29 iyul kuni “Qizilqum” maydonida qo'lga kiritilgan.
Bosh sahifaga
387