Malumki, bugun Tehronda Osiyo chempionlar ligasi javob bahsi bo'lib o'tadi. "Ozodi" stadionida kechadigan uchrashuvda "Persepolis" va "Kashima Antlers" klublari o'zaro kurash olib boradi.
Birinchi o'yinda 2:0 hisobida g'alaba qozongan "Kashima Antlers" bosh murabbiyi Go Oiva javob bahsi oldidan o'z fikrlarini bildirdi:
- "Birinchi o'yinda g'alaba qozonganimiz bilan aslo xotirjamlikka berilishimiz kerak emas. CHunki oldinda javob bahsi kutib turibdi va bu yanada qiyin o'yin bo'ladi. "Persepolis" o'z maydonida kuchli futbol namoyish etadi. SHu bois shogirdlarimga avvalgi hisobni unutib xuddi 0:0 payti qanday bo'lsa, shunday o'ynanglar dedim".
- "Men uchun idel futbol - mustahkam himoya va o'tkir hujum degani. Biz birinchi finalning ikkinchi taymida xuddi shunday o'yin ko'rsatgandik. Menga tavakkal qilinadigan hujumlar yoqmaydi. Hammasi rejaga ko'ra bo'lishi kerak. Albatta, javob bahsida ko'pchilik muxlislar raqib tomonida bo'ladi. CHunki Yaponiyadan atigi 250 muxlis kelgan. 70 ming odam esa "Persepolis"ni qo'llab-quvvatlaydi . Ammo bundan xavotirga tushish kerak emas. Agar to'p nazorati bizda bo'lsa, ko'zlangan maqsadga erishamiz".
Bosh sahifaga
533