Hikmat Ergashev (“Bunyodkor” jamoasi murabbiyi): - O'yin ajoyib tarzda kechdi va barchaga manzur bo'ldi. Boisi, har ikki jamoa ushbu bahsga puxta tayyorgarlik ko'rgandi. “Navbahor” muxlislarning qo'llab –quvvatlashlari ostida yaxshi o'yin namoyish etdi. Axir, aytishadiku, Namanganda Braziliya terma jamoasi ham yutolmaydi, deb.
Uchrashuv ancha qiziqarli tarzda kechdi, lekin jamoamizga biroz omad etishmadi.
Bugungi hakamlikdan qoniqmadik. Boisi, qars ikki qo'ldan chiqadi. Bizning darvozamizga 11 metrli jarima zarbasi belgilandi. Lekin Dilshod va Javlonning qo'lidan tortib, yiqitilganda, hakamlar bunga etibor qaratishmadi. SHuningdek, Javlonning nega maydondan chetlatilganini ham tushunmadim. U jamoa sardori va hakamning qaroriga etiroz bildirishga haqqi bor. Hakamlarni nazorat qiladigan qo'mita bor va buni o'zlari ko'rib chiqishadi. Hali hech narsa yo'qotilgani yo'q. Biz sovrindorlar safidan joy olish uchun oxirigacha kurash olib boramiz. Hali oldinda yana 2ta tur bor. U yog'ini esa vaqt ko'rsatadi.
Bugungi o'yinda mezbonlar tarkibida Azizbek Turg'unboev yaxshi o'yin namoyish etdi.
Akramjon Komilov (“Bunyodkor” jamoasi himoyachisi): - Menimcha, bugungi o'yin barchaga yoqdi. Birinchi bo'limda ancha yaxshi o'yin namoyish etdik. Lekin 2-bo'limdagi birgina penalti bizni ruhan cho'ktirib qo'ydi.
O'sha vaziyatda 11 metrli jarima zarbasi bormidi, yo'qmidi, to'g'risi, aniq bilmadim, buni O'FAdagilar ko'rib chiqishadi. To'g'ri, Namanganda to'p surish qiyin. SHunday bo'lsa-da, biz mezbonlarga munosib qarshilik ko'rsatishga harakat qildik. Mabodo g'alaba qozonganimizda, 3-o'ringa ko'tarilib olgan bo'lardik.
Bugun birgina 11 metrli jarima zarbasi o'yin taqdirini hal qildi. Keyingi o'yinlarda g'alaba qozonishga intilamiz. “Navbahor” jamoasiga ham keyingi bahslarda omad tilab qolaman.
Bosh sahifaga
156