Ikki xafta ichida "Real"ni inqirozdan olib chiqishni boshlagan Santyago Solari "Real" jamoasi bilan 2021 yilgacha sharnoma imzoladi. Solari kelgunicha, "Qirollik klubi" so'nggi 5 uchrashuvning to'rttasida mag'lubiyatga uchragan edi.
Solari ikki hafta davomida ko'p narsalarni o'zgartirdi. Dastlabki, 4 o'yinida 100 foizlik natija ko'rsatib, Florenntino Perezning ishonchini oqlashni boshladi. 
Solarining "Real"ga bosh murabbiy bo'lishi to'g'rimi?
Ramosning "taktika ilmini bilish - kiyim almashtirish xonasida futbolchilarni ruhlantira olish singari muhim emas", deb aytgan gapi barchaning diqqatini tortdi. Xaqiqatdan ham, uning gapida jon bordek. Masalan, Madrid Xulen Lopetegini yaxshi qabul qilmadi. Solari esa avvaldan "Real" bilan birga bo'lganligi uchun klubga tez moslashib ketdi. Ramosning 2005 yilda "Sevilya"dan "Real"ga o'tganida, Solari "qaymoqranglilar" tarkibida bo'lgan. Argentinalik mutaxassis klub safida Zidan, Figu, Bekhem, Ronaldo kabi futbolchilar bilan bir vaqtda to'p surgan. "Real" libosida 5 yil davomida 200 uchrashuvda qatnashgan Solari yulduz bo'lmagan namunali futbolchi hisoblanadi. Santyagoning kamtarligi va fidoiyligi jamoa o'yiniga asqotadi. Zahirada qolganida shikoyat qilmaydi va texnikasi yuqori, tezkor jamoadoshlarini to'p bilan taminlaydi. ECHL finalidagi uchrashuvda Zidanning "Bayer"ga urgan goli, bunga yaqqol misol bo'la oladi.
Santyago Solarining intervyularini ko'rib chiqamiz.
"Real"da qolishni xohlaymanmi? Muhimi, hammasi jamoa foydasi uchun xizmat qilishi lozim. Qolgani meni qiziqtrmaydi. Futbolchilar men uchun emas, jamoa shani uchun o'ynashadi".
Yana bir intervyu vaqtida jurnalist Solaridan Zidan bilan o'zini qanday solishtirish mumkinligi haqida so'ragandi.
"Keling, yaxshisi Zidanni o'z holiga qo'yaylik. Zinedin klub ramzi hisoblanadi. Uni tariflashga so'zim yo'q. Taqqoslash kerak emas", - deb fikr bildirgandi Solari.
Boshqa insondan ushbu gaplarni eshitsa, biroz g'alati tuyulishi mumkin. Lekin, Solari - so'nggi 20 yil ichida klub haqida gapirgan va ushbu jamoaga sodiq bo'lgan futbolchi.
Santyago Zinedinni erishgan natijalarini qaytarishi kutilmoqda. Zidanga ko'pchilik "Real" futbolchilari bolaligida unga o'xshashni xohlashgan. Solari ham yaxshi o'yinchi edi. Ammo asosiy misol sifatida, uning jamodagi futbolchilar bilan munosabati alo darajada ekanligini aytish kerak.
"Valyadolid" bilan o'tkazilgan o'yindan so'ng (2:0), Solari futbolchilarni rotaciya qilish borasida quyidagicha javob qaytargandi.
"Beyl, Asensio va Kazemirolarning o'yini Vaskes, Isko va Vinisiuslarning ko'rsatgan o'yini singari muhim. CHunki, uchrashuv 90 daqiqa davom etadi. Bunda har bir futbolchi natijaga tasir etadi. Asosiysi, zahiradan maydonga tushgan futbolchi vaziyatni o'zgartira olishi va jamoa foydasiga xizmat qilishi kerak".
Aftidan Solari ham Zidanning "Real"da qilgan ishlarini takrorlayotgan ko'rinadi.
O'tkazgan 4 uchrashuvda Solari taktika borasida o'z chizgilarini ko'rsatishga ulgurgani yo'q. Biroq, u Vinisiusni yoshlar klubidan asosiy jamoaga kiritdi, klubning asosiy darvozabonini tanladi va jismoniy tayyorgarlik bo'yicha murabbiy, futbolchilarning hurmatiga sazovor bo'lgan mutaxassisni ortga qaytardi. Solari shuningdek, jamoani kiyim almashtirish honasidagi vaziyatni boshqalarga nisbatan yaxshi biladi. U nafaqat yulduz futbolchilar bilan elkama-elka to'p surgan, balki mashhur murabbiylar, hususan, Visente del Boske sabog'ini ham olgan.
"Meni del Boskening jamoadagi muhitni boshqara olishi ruhlantiradi. Bu - o'yin falsafasi va sifatli mashg'ulotlardan muhim jixat", - deb fikr bildirgandi Solari.
O'yinchilarning so'zlariga ko'ra, Santyago klubdagi muhitni o'zgartirmoqda. "Selta" ustidan qozonilgan g'alabadan so'ng, Nacho Solari bilan hamkorlikda ishlashni xohlashini, lekin murabbiy tanlash futbolchilarning zimmasida emasligini takidlagandi. Benzema esa Solarini kamida mavsum oxirigacha "Real"ni boshqarishi haqida keskin fikr bildirib o'tgandi.
Hozirda Solaridan yaqin yarim yil ichida Zidan qoldirib ketgan jamoani qayta tashkil etish va franciyalik mutaxassis ko'rsatgan natijalarni takrorlash talab qilinmoqda.
championat.com saytidan Nodir Abdurasulov tarjimasi
Bosh sahifaga
198