Jamoalarning egallagan o'rinlaridan kelib chiqib, so'nggi ikki tur uchrashuvlarida o'zgarishlar bo'lishi mumkinligi avvaldan aytib o'tilgandi.
So'nggi turda qayd etilgan natijalar “jon saqlash” guruhidagi vaziyatni keskin ko'rinishga keltirdi. Natijada bir-biriga bog'liq bo'lgan o'yinlar taqvimda yaqqol ajralib qoldi. Bungacha 23 noyabrga belgilangan “Qo'qon-1912” — “So'g'diyona” hamda 24 noyabrda o'tishi kerak bo'lgan “Nasaf” — AGMK bahslarini endi bir vaqtda o'tkazish mantiqliroqdir. SHundan kelib chiqib, mazkur uchrashuvlar 24 noyabr sanasiga tayinlandi.
O'zPFL Superliganing ikkinchi bosqich taqvimini tuzib chiqayotganida Ektor Kuper hamda MTJ masul vakillari bilan kelishib, o'yinlarni terma jamoalarga halal bermaydigan kunlarga tayin qilgandi. Buning natijasida shu kungacha ikkinchi bosqich taqvimiga qatiy amal qilib kelindi. Ammo O'zbekiston milliy termasining Avstraliya yig'inidan qaytib kelishi biroz cho'ziladigan bo'ldi. Endilikda bosh jamoa Toshkentga 23 noyabr kuni kechki payt etib keladi. Taqvim bo'yicha 25 noyabr kuni chempionlik o'yini bo'lishi kutilayotgan “Lokomotiv” — “Paxtakor” uchrashuvi o'tkazilishi kerak edi.
Mazkur masala yuzasidan “Paxtakor” futbol klubi O'zPFLga taklif bilan chiqib, uchrashuvni bir kunga kechiktirishni so'radi. SHuningdek, “Lokomotiv” futbol klubi bu taklifni qo'llab-quvvatladi. Mazkur jamoalar futbolchilari milliy termaning asosini tashkil etishi inobatga olinib, PFL ularning taklifini maqulladi va poytaxt derbisini 26 noyabrga ko'chirdi. Bu kabi markaziy o'yinlarda futbolchilarning to'liq kuch bilan harakat qila olishi asosiy faktordir.
SHuningdek, Navoiy kon metallurgiya kombinatining 60 yillik bayram tadbirlari munosabati bilan 15—23 noyabr kunlari Navoiy viloyatida katta bayram tadbirlari o'tkaziladi. Tadbirda xalqaro darajadagi mehmonlarning ishtiroki ham ko'zda tutilgan. Viloyat xokimi shu kuni barcha mehmonlarni “Qizilqum” ishtirokidagi o'yinga taklif qilish rejasini PFLga malum qildi. Malumki, “Neftchi” rasman Superligani tark etib ulgurdi, “Qizilqum” esa jon saqlab qolishga erishdi. SHundan kelib chiqib, 24 noyabrdagi “Qizilqum” — “Neftchi” uchrashuvi 23 noyabr sanasiga ko'chirildi.
Superliga, 31-tur
23 noyabr, juma
18:00 “QIZILQUM” — “NEFTCHI”
24 noyabr shanba
14:00 “BUNYODKOR” — “METALLURG”
25 noyabr, yakshanba
15:00 “QO'QON-1912” — “SO'G'DIYONA”
15:00 “NASAF” — AGMK
15:00 “BUXORO” — “NAVBAHOR”
26 noyabr, dushanba
18:00 “LOKOMOTIV” — “PAXTAKOR”
“Bunyodkor” va “Metallurg” jamoalari o'rtasidagi bellashuv kuni “Milliy stadion”da vazirliklar, davlat tashkilotlari o'rtasida o'tkazilayotgan Yoshlar ittifoqining “Do'stlik” spartakiadasi ham bo'lib o'tishi rejalashtirilgan. SHundan va o'yinning shanba kunga to'g'ri kelgani inobatga olinib, “Bunyodkor”ning Bekobod klubiga qarshi o'yini vaqti 14:00 da start oladi.
Bosh sahifaga
1917