​Millatlar Ligasi. Angliya - Xorvatiya uchrashuvining asosiy tarkiblari malum!

Angliya va Xorvatiya o'rtasidagi bahs Toshkent vaqti bilan soat 19:00da boshlanadi. Mazkur to'qnashuvda g'alaba qozongan jamoa, musobaqaning keyingi yil bo'lib o'tadigan yarim final o'yiniga yo'llanmani qo'lga kiritadi. Uchrashuvdagi murosa Ispaniya terma jamoasi foydasiga xizmat qiladi.   

 Ushbu sahifada o'yinning matnli translyaciyasini kuzatib borish mumkin bo'ladi.

                                YANGILASH

Angliya – Xorvatiya
"Uembli"

Angliya – Pikford, Stounz, Gomes, CHiluell, Delf, Barkli, Dayer, Sterling, Uoker, Reshford, Keyn.
Xorvatiya –Kalinich, Lovren, Edvay, Vrsalko, Vida, Vlashich, Brozovich, Perishich, Modrich, Rebich, Kramarich.

Angliya hujumchisi Harri Keyn: "Bu biz uchun muhim va katta o'yin ekanini bilamiz. JCHda muvaffaqiyatli qatnashib yarim finalga qadar etib borganimiz tasodif emasligi va qanday mahoratga ega ekanligimizni ko'rsatishimiz kerak."

Xorvatiya himoyachisi Lovren: "Bugun juda qiyin o'yin bo'ladi. Riekada bo'lgan uchrashuvda (0:0) Angliyaning qanday noqulay raqib ekanini ko'rdik. Inglizlar haqiqatan ham kuchli. Lekin, bizning jamoa ular bilan bemalol raqobatlasha oladi. "Uembli"ga faqat g'alaba qozonish uchun kelganmiz".

Jamoalar shu paytgacha 9 marotaba to'qnash kelishgan. Ularning to'rttasida inglizlar g'alaba qozongan, uchta o'yinda xorvatlarning qo'li baland kelgan. 2 uchrashuvda g'olib nomi aniqlanmagan. To'plar nisbati inglizlar foydasiga - 19:12.

Garet Sautgeytning jamoasi allaqachon angliyalik yosh muxlisalarning etiborida bo'lib turibdi. Keti va Sofiya ismli opa-singillar uchrashuv boshlanishini intizorlik bilan kutishmoqda - 4 soatdan beri ular shu erda. Jajji qizaloqlar Harri Keyndan bugungi bahsda gol kutayotganliklarini yashirib o'tirishmadi.

"Uembli" stadioni hozircha tinch, sokin, umuman uchrashuvga tayyor holatda. Birozdan so'ng, maydon "yonadi". Ishonavering! Bugungi o'yinning yana bir ahamiyatli tomoni - bu Angliya termasi JCH-2018dagi alamli mag'lubiyat uchun o'ch olishga harakat qilishadi.

Rakitich Ispaniyaga qarshi bahsda jarohat olgani bois, Dalich bugun uni maydonga tushirib tavakkal qilmasiligini aytib o'tdi. Xorvatiya ustozining so'zlariga ko'ra, "CSKA" yarim himoyachisi Nikolya Vlashich Rakitich o'rnida harakat qilishi mumkin.

Uchrashuvni Tasos Sidiropulos boshchiligidagi greciyalik hakamlar brigadasi boshqarib boradi.

Championat.asia ushbu bellashuvni onlayn matnli translyaciya qilishni rejalashtirgan.