Angliya va Xorvatiya o'rtasidagi bahs Toshkent vaqti bilan soat 19:00da boshlanadi. Mazkur to'qnashuvda g'alaba qozongan jamoa, musobaqaning keyingi yil bo'lib o'tadigan yarim final o'yiniga yo'llanmani qo'lga kiritadi. Uchrashuvdagi murosa Ispaniya terma jamoasi foydasiga xizmat qiladi.
Angliya – Xorvatiya 1:1
"Uembli"
Gol: 0:1 – 57 Kramarich, 1:1 – 78 Lingard.
Angliya – Pikford, Stounz, Gomes, CHiluell, Delf (Lingard, 73), Barkli (Alli, 63), Dayer, Sterling, Uoker, Reshford (Sancho, 73), Keyn.
Xorvatiya –Kalinich, Lovren, Edvay, Vrsalko (Milich, 26), Vida, Vlashich, Brozovich, Perishich, Modrich, Rebich (Brekalo, 46), Kramarich.
Ogohlantirish: Barkli (26), Edvay (67), Brozovich (67).
Ushbu sahifada o'yinning matnli translyaciyasini kuzatib borish mumkin bo'ladi.
YANGILASH
78' GOOOOL! Lingard hisobni tenglashtirdi - 1:1. Ushbu hisob ikkala jamoani ham qoniqtirmaydi
Angliya bosimni kuchaytirmoqda. Endi gol urish kerak. O'yin tugashiga 10 daqiqa atrofida vaqt bor. Sautgeyt barcha imkoniyatlardan to'liq foydalanib bo'ldi.
73' O'zgarish. Lingard Delf o'rniga tushdi
73' O'zgarish. Sancho Reshford o'rniga tushdi
67' Xorvatiyaning bir yo'la ikki futbolchisi ogohlantirildi. Brozovich va Yedvay qolgan daqiqalarda ehtiyot bo'lishlari kerak
63' Angliya safida o'zgarish. Barkli o'rniga Dele Alli tushdi. Tabiiyki, Sautgeyt hujumni kuchaytirmoqda. Endi ularga kamida ikkita gol zarur
Angliya o'zi shunaqa. Zo'r o'ynab yutqazadi
57' GOOOOOL! Andrey Kramarich hisobni ochdi - 0:1
Maydonda haqiqiy jang bo'lmoqda
46' O'zgarish. Rebich o'rniga Brekalo tushdi
46' Ikkinchi bo'lim boshlandi
Birinchi bo'lim statistikasi
Zarbalar: 9-4
Uzatma aniqligi: 87%-82%
Vaziyat yaratish: 6-3
To'pni nazorat qilish: 60-40
Har qanday hisobdagi durrang Ispaniyani yarim finalga olib chiqadi
45+1' Birinchi bo'lim tugadi - 0:0. Kalinich yaxshigina mehnat qildi
40' ZARBAA! Barklining zarbasi darvoza to'sinidan biroz teparoqdan o'tib ketdi
O'yinning uchdan bir qismi ortda qolgan bir paytda inglizlar 6 marotaba burchak to'pi tepishga ulgurishdi. Harri Keyn va Sterlingda ajoyib imkoniyatlar bo'ldi. Xorvatlar o'yinni juda og'ir, charchagandek o'tkazishmoqda
27' Xorvatiyada majburiy o'zgarish. Vrsalko o'rniga Antoni Milich tushdi
26' Ross Barkli Modrichga nisbatan xavfli o'ynadi. Sarik kartochka
Angliya MTJ so'nggi 27 uy uchrashuvidan faqat ikkitasida mag'lub bo'lgan - 21 g'alaba, 4 durrang
10' Angliya terma jamoasi 4-3-3 taktika asosida o'ynamoqda. O'ng qanot yarim himoyasida Barkli. Negadir Sautgeyt uni futbolchi uchun biroz noqulay bo'lgan joyda o'ynatmoqda
Luka Modrich va Harri Keynga bugun ko'p narsa bog'liq. Qo'shilasizmi?
5' Markus Reshford Harri Keynni yaxshi vaziyatga olib chiqdi. Ofsayd qayd etildi. Bahsli vaziyat
3' Rebich darvozani nishonga oldi. Noaniq
1' Uchrashuv boshlandi.
- Madhiyalar yangradi
- Ikkala jamoa maydonga chiqib kelishdi
Angliya hujumchisi Harri Keyn: "Bu biz uchun muhim va katta o'yin ekanini bilamiz. JCHda muvaffaqiyatli qatnashib yarim finalga qadar etib borganimiz tasodif emasligi va qanday mahoratga ega ekanligimizni ko'rsatishimiz kerak."
Xorvatiya himoyachisi Lovren: "Bugun juda qiyin o'yin bo'ladi. Riekada bo'lgan uchrashuvda (0:0) Angliyaning qanday noqulay raqib ekanini ko'rdik. Inglizlar haqiqatan ham kuchli. Lekin, bizning jamoa ular bilan bemalol raqobatlasha oladi. "Uembli"ga faqat g'alaba qozonish uchun kelganmiz".
Jamoalar shu paytgacha 9 marotaba to'qnash kelishgan. Ularning to'rttasida inglizlar g'alaba qozongan, uchta o'yinda xorvatlarning qo'li baland kelgan. 2 uchrashuvda g'olib nomi aniqlanmagan. To'plar nisbati inglizlar foydasiga - 19:12.
Garet Sautgeytning jamoasi allaqachon angliyalik yosh muxlisalarning etiborida bo'lib turibdi. Keti va Sofiya ismli opa-singillar uchrashuv boshlanishini intizorlik bilan kutishmoqda - 4 soatdan beri ular shu erda. Jajji qizaloqlar Harri Keyndan bugungi bahsda gol kutayotganliklarini yashirib o'tirishmadi.
"Uembli" stadioni hozircha tinch, sokin, umuman uchrashuvga tayyor holatda. Birozdan so'ng, maydon "yonadi". Ishonavering! Bugungi o'yinning yana bir ahamiyatli tomoni - bu Angliya termasi JCH-2018dagi alamli mag'lubiyat uchun o'ch olishga harakat qilishadi.
Rakitich Ispaniyaga qarshi bahsda jarohat olgani bois, Dalich bugun uni maydonga tushirib tavakkal qilmasiligini aytib o'tdi. Xorvatiya ustozining so'zlariga ko'ra, "CSKA" yarim himoyachisi Nikolya Vlashich Rakitich o'rnida harakat qilishi mumkin.
Uchrashuvni Tasos Sidiropulos boshchiligidagi greciyalik hakamlar brigadasi boshqarib boradi.
Championat.asia ushbu bellashuvni onlayn matnli translyaciya qilishni rejalashtirgan.
Bosh sahifaga
410